مطعم شريمب نيشن جدة ماشاءالله بيجننن نظافه وترتيب وشغل سريع ونظامهم حلو وطريقة تقديم غير تفتح النفس الريحه بروحها تجوعك بزياده تدخل هلكان 🥀 وتطلع نشيط 🌹
طريق الامير سلطان، السلامة، جدة
+966 56 209 8999
متخصص بالمأكولات البحرية اللي يقدموها في أكياس
تجربتي اليوم كانت في افتتاح المحل وجربت الأطباق التالية
جمبري مقلي
رهييييب جداً ولذيذ ومعمول بطريقة صح
داينامايت شريمب
كويس ماهو وااااو
جمبري بنكهة شريمب نيشن
خليط من الكيجن و الثوم وبهارات خاصة فيهم
النكهة جيدة
بالذات لو طلبتوا الرز الأبيض وأكلتوه مع الجمبري
كدا بتكتمل متعتك
محار بنكهة شريمب نيشن
عادي أتوقع لو أخذت نكهة ثانية كان حيكون أفضل
استاكوزا
رائع وحجمه كبير بس قطعة وحدة ما تشبع 😂
عندهم نكهات ثانية يبغالي أجربها في الزيارات الجاية
الأفراد في الدور العلوي و العائلات في الدور الأرضي
والله يوفقهم والتنافس حاجة حلوة
مطعم متخصص بالجمبري في الاكياس
معروف بالشرقيه – الخبر
اليوم افتتاح فرع جدة
عند دوار القبضه – بحانب دوز في شارع الامير سلطان
عندهم جلسات افراد وعوئل
اجواء جميله وديكورات اجمل .
المطعم مفتوح لعيونكم كل يوم من الساعه
١٢الظهر حتى ١ الليل
.
جمبري 🦐 او استكوزا🦞او كراب 🦀
ايش اكتر شيء تطلبو لمن تروحو للمطاعم المتخصصه بتقديم المأكولات البحرية في الاكياس
.
احنا اليوم رحنا وجربناها كلها بالنكهه السيجنتشر الخاصه فيهم ” شرمب نيشن”
تفووووز
كيس جمبري 🦐 ب٦٨ ريال
وكيس كراب 🦀 ب٦٥ ريال
كيس لوبستر” 🦞استكوزا” ب١٢٠ ريال
وكيس محار ب٦٥ ريال .
وفي نكهات تانيه بالزياره الجايه اكيد اني حجربها
.
وجربنا الدنمايت شريمب 🍤ب ٤٥ ريال
وسمك مقلي والجمبري المقلي ب٣٥ ريال .
وتقدرو تطلبو طلبات جانبيه منوعه
زي الرز – سلطه الجرجير – شوربه شريمب نيشن و…… الخ .
اتمنى تجربوه وتعطوني رأيكم فيه وايش اكتر شيء فيه حبيتوه
انا طلبت محار وجمبري وداينمايت شرمب ملاحظاتي كالتالي: ١ الجمبري غير نظيف بشكل جيد من الوساخه من جهه الذيل والتتبيله ماهي ذاك المستوى والاسعار غاليه نسبه الو المنافسين وحجم الجمبري صغير اكثر من المنافسين وهما ارخص بكثير ٢ المحار ماهو لذيذ ولا قد المستوى بالنسبه لسعره ٣ الديانمايت شرمب حجمه صغير وغالي ع الفاضي ما اقول الله يسامحك يا طهموج ع الدعايه نكبت العالم والتجربه ماراح تتكرر ما انصح فيهم شوفو لكم هوك او منطقه الجمبري او شرمبلس افضل بكثير ومقدمي الطعام شغالين بالديزل ويجيبو لك القفازات وباقي الطلبات بالقطاره
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
