روبيرتو كفالي كافيه جدة (الاسعار +المنيو +الموقع)

روبيرتو كفالي كافيه جدة الكوفي رااااقي ويمتاز بجلساته الراقيه وخدمه ممتازه والمنيو منوع وتقديمهم الطلب سريع وأسعاره مناسبه 🤓👍

• الأسم : روبيرتو كفالي كافيه – Roberto Cavalli
• التصنيف : عوائل – أفراد
•  النوع : كافيه
•  الاسعار : مناسبة
•  الاطفال : مسموح
• بارتشن: لا يوجد
• الموسيقى : لا يوجد
• ‏أوقات العمل : 10AM–11PM
• خرائط جوجل: للدخول الى الكافيه عبر خرائط جوجل  اضغط هنا

عنوان روبيرتو كفالي كافيه جدة

الموقع التحلية بمركز لوشاتو قبل متجر الاتحاد

افضل ما يقدمه الكافيه

فندون مرة طعم

و بودنج ديت كمان لذيذ

و طلبت فتوتشيني بالألفريدو صوص مرة لذيذة

كله صراحة لذيذ بس الكميات قليلة و الأسعار غالية حبتين بس تستاهل جلسة حلوة الحساب ٢٢٦ تقريباً ☺

متنوع بحدود يعني من فطورو لحدت العشاء خيارات محدوده غير بعض الطلبات اللي موجوده بالمنيو بس مو نازله

اراء المتابعين

التقرير الأول 

طلبنا كان :
كيك بالتمر وايسكريم الفانيلا وكابتشينو رووووعه

التقرير الثاني 

تجربتنا امس كانت من النوع الفاخر جدا
حجز مسبق لطاوله بشخصين في كفالي كافيه

طلبنا كان عباره عن
كابتشينو كفالي
وموكتيل كفالي
مع نوعين حلا
ميڤيل روزبيري وكفالي سبرايز
ماعجبني تشيز كيك داخله صوص منقا ماحبيت المنقا

بس القعده والسيرفيز كانت من النوع الراقي جدا

والقعدات برى كمان شي جدا جميييل
السعر ٢٥٠اخذنا كفالي بيتزا تايك اوي 💫💔😋🙌🏻
.

التقرير الثالث 

لديهم جلسات داخلية و جلسات خارجية
يوجد معسل و لا يوجد بارتيشن

المكان جدا رايق بجلساته الخارجيه والداخليه
الديكور مستوحى من ستايل كافالي المتميز والموحد بكل كوفيهاته ومطاعمه

عباره عن طبعه جلد النمر و الزيبرا
وكل الاكساسوريز من اطباق وشوك و طقم سفره ..الخ
كلها من مجموعة كافالي لاطباق المنزل الجلسات الداخليه والخارجيه وكلهم بدون بارتشن (فرع جده).

الطلبات
كابتشينو سعره ٣٠ ريال
الحلا عبارة عن تراميسو سعره ٥٨ ريال
الطعم ١٠/٩

التقرير الرابع 

الجلسات الخارجية:
رايقة وهادية والاجمل مافيه ناس كثير💆
.
كنا شخصين طلبنا كيكة التمر سعرها ٦٥ لذيذة و هشّة
.
موكا بارد ٣٠ ريال جدًا عادي الطعم بس يبرد ع القلب 😓
اسبريسو ٢٠ريال
الكوفي بشكل عام اعطيه ٨/١٠ ✨

فخامة الاسم تخليك تتخيل أي شي زاكي فما بالك بكافيه ، تخيل الذوق شويا صعب عشان كذه كان لابد من التجربه … الكافي تصميمو جداً فخم وتفاصيلو كلها تحمل بصمة ( كاڤالي ) من الخامات المستخدمه في كل أركان الكافي للكلينكس مروراً بملابس المضيفين

الطلبات
لعشاق المراره اللاذعه لاتفوتكم الريستويتو مستعده ادفع ميه عشان رشفة اسبيرسو وكان سعرها 20
بودينو التمر ذكرتني بالبابايا بس بحلى اقل نفس الليونه ونفس النكهه مع ايسكريم فانيلا وكان سعرها 62
طلبنا 2 قهوه عربي الدله كياته تجنن تكفي شخص واحد بس حرام فيها سعرها وبالنسبالي لعشاق العربي لا تفكرو تمخمخو عليها بغير صناع القهوه وهيف وكيف وبسسس وكان سعرها 90

كابتشينو كان رائع صراحه وكان سعرو 30 بس مرا مبالغين بالسعر بس يمكن عشان لمسة كاڤالي عليه?

تارت التفاح كان سعرو 49 ولحد يفكر يطلبو لو بريال سعرو ?

الله الله على فوندون الشكولاته مع ايسكريم الفستق ( فستق بكل ماتعنيه الكلمه ) مخلصين جداً في النكهه كان سعرو 65 وعشان حبيتو مو مستخصره فيلو ريال
التشيز كيك ماحبيتو حلاه كان زايد خلاني اتشتت عن الطعم بس اختي حبتو وتقول إنت تتفلسفي ? كان سعرو 55
اخر طلب كان مويا وكان سعرها 25 الله يهديهم بس

طبعاً وبشكل عام السعر مبالغ فيلو جداً بالنسبه لأصناف مجربه بكل مكان فارق قوة النكهه بس كافي عالمي سعرو بإسمو يعني تدفع لمتعة التصميم أولاً وآخراً

بالنسبه كانت تجربه لذيذه ونظيفه وحتتكرر ، الخدمه جداً ممتازه وسريعه وطريقة تزيين الاطباق طعم ثاني والمضيفين مرا بشوشين وطلباتك أوامر غير الديكور الفخم والراحه النفسيه وتوقيع روبيرتو الموجود بكل مكان ، أعشق المطاعم والكافيهات اللي لها بصمه خاصه فيها

سلبياتو
الإضاءه بالطابق الثاني اتعب اقول أنا بمكان معتم للتصوير طول وقتي بالفلاش ، طلبنا ننزل تحت وبرضو الإضاءه ضعيفه ، المكان اعتبرو صغير حتى الطاولات اللي برا محدوده ، مشكلتهم صحون كبيره وطاوله صغيره ( منظر زحمه )

وبإعتقادي الشخصي :

سعادة النفس تستحق تجربة كاڤالي كافيه

التقرير الخامس 

الطلبات :

لاتيه ٩ / ١٠
كابتشينو ٩ / ١٠
كريب بالشوكلاته جداً لذيذ (و العين اكلت قبل الفم ) ١٠ / ١٠

تشكيلة كافالي للفطور فيها ( ساندويش تونه + ساندويش جبنه + كرواسون جبنه/زعتر/ساده/تشوكلت + كيك انجليزي + كب كيك ) ٨ / ١٠

بيض مخفوق مع جبنة ٨ / ١٠ – الخدمة لديهم ممتازه الموظفين متعاونين و خدمة تقديم الطلبات لديهم سريعه

ما افتكر الاسعار لكن يعتبر من الاسعار الغاليه و المرتفعه في جدة
الاسعار مناسبه للمكان الراقي و لكافية كفالي المشهور عالمياً