مطعم تشيز سوشي في جدة

مطعم تشيز سوشي في جدة

رحنا عالفطور و كنا أربعة أشخاص. المنيو كانت بالطلبات.
ديكور المحل جدا مريح و مودرن و ألوانه جميلة و مريحة للعين، عالاقل هذا رأيي.
استقبال العمالة كان جميل و محترم و كانوا فريندلي.
الطلبات كانت كالتالي

سلطة الكاليماري و كانت خفيفة و طعمها حلو و اقيمها 7.5 /10  و سعرها 41 ريال
روك  شريمب هذا الطلب شبيه بالديناميت شريمب و طعمه ممتاز بإضافة نكهة غريبة يابانية و أقيمه 8/10 و سعره  58 ريال

جيوزا الربيان و الكزبرة و هذا جدا ممتاز و لازم تجربوه و ادعوا لي. أقيمه 9.5/10 و سعره  32 ريال

شريمب تمبورا أو تمبورا الربيان  و أقيمه 6.5/10 لاني ما أحبه اصلا و بس كنت ابغى اجربه و سعره 48 ريال

الأطباق الرئيسية كانت:
ترياكي سلمون و أقيمه 7/10 و سعره 68 ريال
ترياكي دجاج وهو أفضل من السلمون في نظري و أقيمه 8/10 و سعره 58 ريال

و ترياكي لحم البقر و كان سيد الموقف و ألذ واحد فيهم و طريقة طبخ كانت medium well و أقيمه 9.5/ 10 و سعره 75 ريال

فيه طبق كمان طلبناه اسمه الدجاج  المقلي بالكاري كاتسو. أقيمه 7/10 و سعره 58 ريال
بالنسبة للمشروبات طلبنا عصير بطيخ (حبحب) أو على قول أهل الوسطى حبايبنا (الجح) و كان جدا لذيذ و سعره 12 ريال

بشكل عام كانت تجربة جدا ناجحة و حكررها عشان اجرب أنواع ثانية عندهم و ممكن نجرب السوشي المرة الجاية. طبعا في ناس كثير حيقولوا رحت محل سوشي و لا اكلت سوشي صراحة ما كنا حابين نغامر بعد صيام شاق 😂 و لكن الجايات إن شاء الله

هذا كان رأيي و اكيد الآراء حتختلف من واحد لواحد و آسفين عالاطالة

مطعم تشيز سوشي في جدة