حسابهم ع الانستغرام
@thecounterksa
عنوانهم
جدة – طريق الملك – مجمع اتوال بعد ستارز أڤينيو .
.
قمنا بتلبية دعوتهم لتجربة بعض الأصناف الجديدة المقدمة عندهم وكمان الاستمتاع بالبرجر اللذيذ اللي تبنيه ع طريقتك .
.
طلباتنا كانت
جمبري مشوي بالصلصة الكورية : لذيذ ولا بأس به كطلب جانبي والصوص فيله حلاوة وحرارة خفيفة جداً
سعر الطلب: ٢٨ ريال .
.
ذا تريو : هذا طبقهم المشهور عبارة عن نوعين بطاطس ( مقلية و حلوة ) وكمان حلقات بصل خفيفة ونحيفة ،، تتبيلة حلقات البصل كانت خفيفة و البطاطس كانت رهيبة
سعر الطلب: ٣٢ ريال .
.
جوانح مشوية : اللي يحبوا الأجنحة المشوية راح يحبوا هذا الطبق بالنسبة لي أنا من عشاق الأجنحة المقلية 😍
سعر الطلب : ٥٢ ريال لعدد ١٢ قطعة .
.
بالنسبة للطلب الرئيسي اللي هو البرجر
اللي يميزهم هنا يا إما تختار من المنيو أو تكون البرجر الخاص فيك ع طريقتك
بالنسبة لي أحب أكون البرجر و اختياري كان
وزن اللحم : ١٥٠ جرام مع إني أتمنى مستقبلاً يضيفوا حجم لحم أصغر
الإضافات : بيض مقلي و خلطة من الخس ونوعين جبنة ومايونيز
سعر الطلب : ٥٣ ريال .
.
التجربة بمجملها كانت ممتازة
ولكن مازالوا بحاجة لتوفير أحجام أصغر قليلاً و بتكلفة تكون أقل
عندهم قسم عائلات و قسم للأفراد وماعندهم بارتشن
عندهم عروض متنوعة طوال الأسبوع تقدروا تشوفوها في صفحتهم ع الانستغرام .
.
نشوفكم في تقرير قادم
❤
مطعم ذا كاونتر في جدة
تقييم وصلنا من الاخ @ryanalwadei .
.
تجربتنا اليوم كانت بمطعم ذا كاونتر @thecounterksa برغر
طريق الملك بجانب ستارز افينيو
كنا شخصين
طلبت انا رد اي 1/2باوند لحم بقري عضوي مع صوص و جبنة شيدر مع شرايح لحم البيكون وبيض
ماشاء الله مافي شي ماحطوه 😅💔 طعم البرغر عادي مافي نكهه مميزة واتوقع من كثر الاشياء الي حطوها ضربت حاسة الذوق عندي اعطيه ١٠/٦.٥
وصاحبي طلب برغر بصدر الدجاج بالصوص
ويقول فيه زبيب😶 يقول طعمه جدااا عادي ماعجبه الصوص ولا الزبيب ١٠/٤
وطلبنا طبق كبير بطاطس بجبنة البارميزان الصحن من بعيد تحسبه عريكة 🌚 وكانت في توابل غير الجبنة معطيتها نكهه مميزة ١٠/٧.٥
السعر: ١٨٩ريال
ما اتوقع نجيه مرة ثانية 😑
مميزات المطعم:
تقدر تصمم البرغر على كيفك تختار
نوع العيش ونوع الجبنة ونوع اللحم
اللحوم المستخدمة عضوية في قسم عوائل
.
