جبنة سويسرية ذائبة على البرجر ولحم انجوس فاخر ..تقييم متميز من عباس لمطعم برجر ستيشن
اللي يحب الجبنة السويسرية راح يعشق البرجر من برجر ستيشن
.
.
تجربتي الثالثة لمطعم برجرستيشن كانت تجربة مختلفة تماماً
حيث قاموا بعمل العديد من التحسينات سواء على نفس المطعم أو البرجر .
.
تجاربي السابقة كانت سيئة بسبب عدم تضبيط مستوى شوي اللحم و أيضاً رائحة الجبنة السويسرية اللي كانت تغطي المكان .
.
بس تجربتي الثالثة بعد أكثر من ٤ أشهر كانت مميزة
وجربت ٤ أنواع من البرجر بس راح أتكلم في هذا التقرير عن الحاجات اللي عجبتني .
.
كابوووم شريمب : عبارة عن قطع من الجمبري وعليها صوص يشبه إلى حد كبير صوص الداينمايت ولكن بحرارة أخف ،، الطعم كان جيد إلى حد ما
سعر الطلب : ٢٤ ريال .
.
جراند ستيشن برجر : البرجر الخاص فيهم مستخدمين لحمة أنجوس كندية فاخرة ،، بالإضافة للجبنة السويسرية الذائبة و الفطر و البصل المكرمل في تركيبة جميلة لمحبي الجبنة
سعر الطلب : ٣٩ ريال .
.
مِست بي كريسبي برجر : البرجر هذا إبداع ولذيذ جداً ،، و هو خيار جداً ممتاز للناس اللي ما تحب الجبنة الكثيرة ،، عبارة عن حلقات بصل مقلية و صوصهم الخاص وجبنة التشيدر ،، برجر لذييييذ
سعر الطلب : ٢٨ ريال .
.
كامدن تاون تشيكن : محبي الدجاج المقلي ،، هذا الساندويتش ممكن يأسر حواسك ،، قطعة من صدر الدجاج المقلية جيداً و الطرية جداً ،، عليها سلطة ملفوف وصوص ستيشن ،، طعم جميل
سعر الطلب : ٢٨ ريال .
.
تعجبني المطاعم اللي بمجرد إنها تشوف إنو في أخطاء تحاول قدر المستطاع التعديل من الأخطاء و الاستماع لآراء الزباين ،، كثير منكم ممكن كانت تجربتهم سيئة زيي بس إذا عادوا التجربة الآن ممكن يستطعموا الفرق .
.
يستخدموا خبز البطاطس في كل ساندويتشاتهم
عندهم قسم أفراد و قسم عائلات بدون ( بارتشن أو ساتر )
عندهم قائمة حلويات
للأسف ماعندهم توصيل لسا
خدمتهم جيدة بس يبغالهم زيادة في عدد الموظفين بعض الأوقات للتسريع من الخدمة وتقديمها بشكل أفضل .
.
نشوفكم في تقرير قادم
التقرير الثاني لمشاركة المتابعين
تجربتي كانت للمنيو الجديد كان متنوع مابين السلطات والمقبلات وأنواع البرجر
أسعارهم تعتبر معقولة والأهم الأكل عندهم لذيذ
تجربتي كانت للأطباق التالية
برجر جراند ستيشن بالجبنة السويسرية
و برجر لوديد سلايدر برجر 17 ريال
برجر دجاج فولتج 17 ريال
توست ذا موست : برجر بخبز التوست 28 ريال
كامدن تاون تشيكن 26 ريال
ستيشن فرايز 24 ريال
لولي بوب تشيكن 22 ريال
بريتزل تشيكن ستريبس 22 ريال
بافلو شريمب 28 ريال
كابوم شريمب 24 ريال
سلطة فارم هاوس 22 ريال
