مطعم خوش برجر

مطعم خوش برجر

التقرير الأول لمشاركة المتابعين

تجربتي لأحد مطاعم البرجر المعتمدة على الابتكارات في أصنافها

عنوان مطعم خوش برجر 

عندهم فرعين الأول في شارع صاري قبل مكتبة جرير بجوار أسواق العثيم و الثاني في أبحر الجنوبية أبراج الفارسي مقابل شاطيء الاسكندرية .
.

عمر المطعم تقريباً سنتين بدايتهم كانت عادية جداً و صعبة ولكن ماشاء الله عليهم الشباب القائم ع المكان اجتهد وكل ماله يعدل في جميع الأخطاء
إلى أن وصل إلى جودة ممتازة في المأكولات اللي بيقدمها وكل مالهم يبتكروا و يجيبوا أفكار جديدة سواءً للبرجر أو البطاطس .
.

نروح للطلبات و الأطباق اللي جربتها .
.

بطاطس بلو : أنا من الناس اللي أول مرة أشوف بطاطس مع صوص أزرق ،، و أتوقع هنا إنهم خرجوا عن المألوف تركيبة الصوص ممتازة و نوعية البطاطس ممتازة وفوقها كمان قطع من الدجاج أعطاها نكهة جميلة
سعر الطلب: 15 ريال

بطاطس شيتوس بالجبنة : من الطلبات الغريبة كمان ،، شيتوس جبنة مبشور على البطاطس بطريقة جميلة وعليها جبنة شيدر ذائبة أعطى الطلب نكهة جميلة ولكن في نفس الوقت دسامة عالية
سعر الطلب: 11 ريال

برجر 77 : لحم بوزن ١٥٠ جرام محشية بجبنة الموزاريلا الذائبة ،، شيء كبير يا عمري ،، طعمه رائع وهو من طلباتي المفضلة
سعر الساندويتش : 29 ريال

برجر 777 : لحمة بوزن ٢٠٠ جرام ،، تختار الحشوة الداخلية سواء جبنة تشيدر أو جبنة موزاريلا ،، اختياري كان للتشيدر بس للأسف ماكان موفق بسبب نوعية الجبنة وماكانت ذائبة وحسيتهم كأنهم بشروها وحطوها جوة اللحمة ،، هذا الطلب ما قدر يوصللي الإحساس المطلوب للاستلذاذ بالنكهة
سعر الساندويتش : 37 ريال

برجر مزريلي : شريحة من اللحم البقري الطازج وعليها أصابع جبنة موزاريلا ،، من الطلبات الدسمة وبفكرة ممتازة وكمان عليها شريحة جبنة صفراء ،، البرجر هذا لذيذ بس يقفل ع المعدة ع طول
سعر الساندويتش : 29 ريال

تناتيف شاورما : حبيت أتكلم عن هذا الطبق لأنو الدجاج المستخدم فيه كمان طازج من معاملهم وخلطة الشاورما نفسها كانت لذيذة وطريقة تقديم الطبق رهيبة وهذا الطلب تقدر تختار معاه صوص زي الرانش أو الباربكيو ،، للأسف لسا ماعندهم ثوم 🙁
سعر الطلب: 15 ريال .
.

اللحم البقري المستخدم عندهم طازج
عندهم جلسات للعائلات في فرع أبحر ،، وكمان عندهم خدمة توصيل عن طريق برامج التوصيل
أو تقدروا تتصلوا عليهم على أرقامهم الموجودة في حسابهم .
.

نشوفكم في تقرير قادم
❤
.

مطعم خوش برجر

التقرير الثاني لمشاركة المتابعين

زيارتي كانت لمطعم خوش برجر ،
مطعم يقدمون فيه مجموعه كبيره جداً من انواع البرقر ،
بالأضافه لقائمه منوعه من الأطباق الجانبيه ،
.
عجبني في المطعم انهم مبتكرين انواع جديده للبرقر مثل برقر الرمان وبرقر الأناناس والبرقر الاحمر والازرق ، بالأضافه للأنواع المعتاده
وعجبني انهم مو بس مهتمين بالأشكال وطرق التقديم ، كمان مهتمين جداً بجودة الطعم والنكهة
.
( ومن اكثر الأشياء اللي عجبتني الأسعار ،،
جداً ممتازه ومناسبه للجميع )
.
.
الطلبات :
* برجر هافانا “لحم” ٢٣ ريال
( الازرق )
* برجر حار نار “لحم” ٢٥ ريال
( مع بطاطس شيتوس الحار )
* بطاطس بلو ١٥ ريال
(الصوص قريب من طعم صوص الكوكتيل 👍🏻)
* بطاطس سجنتشر خوش ١٧ ريال
( مع اللحم وصوص المطعم الخاص )
* سبيشل مكس تشيكن ١٨ ريال
( دجاج مع صوص الباربكيو )
* اجنحة الدجاج ٢١ ريال
( مع صوص البافلو )
* داينامت شرمب ٢١ ريال
* ٤ انواع صوص ٨ ريال
( خوش ، رانش ، باربكيو ، خردل )
.
المجموع :
١٤٨ ريال
.
الطعم جداً ممتاز ولذيذ وعجبني كثير 👍🏻
كل صنف اطعم من الثاني ما شاء الله 👍🏻
.
الكميه كبيره وكافيه لـ ٤ اشخاص تقريباً
والسعر جداً ممتاز ومناسب للجميع
.
تجربه رائعه واكيد راح اكررها مرات كثير لجودة الطعم والتنوع الكبير في اصناف البرقر والأطباق الجانبيه
.
للأمانه اعتبره واحد من افضل مطاعم البرقر في جدة .
.
.
الموقع : فرعين /
١- ابحر الجنوبيه – طريق الملك عبدالعزيز
“برج فارسي سفن”
( عائلات وشباب )
٢- تقاطع صاري مع طريق الأمير سلطان
“بجوار مكتبة جرير”
( شباب فقط )
.
.