شارع عبدالرحمن الخزاعي بحي المروة بالقرب من إسكان القوى الداخلية
. الطلبات كانت سفري
1-شوربة عدس غير موجودة في الصورة
تقييم اللي شربها 9/10
2- كفتة بجبنة القشقوان بصراحة انا حاسة انو في غلط في الطلب لان ماشفت اي قشقوانة في الموضوع كفتة عادية بس لذيذة جدا اعطيها 8.5/10
اما لو كانت فعلا هي ام قشقوان ومن قلته ماشفته فهنا حبدأ أحقد واعطيها 5/10 لعدم وضوح الجبنة او طعمها
3- اسكندر مشكل نصو دجاج ونصو لحم وهنا يحضرني عبدالحليم في مقولته الشهيرة( قلت ياريت كان لي قلبين )
الذ اسكندر ذقته في حياتي مايتخير اللحم عن الدجاج اكتشفت ان فيروز التركي كان ضاحك علينا يحط شاورما عادية.هاذي نفس اللي في تركيا شرائح لحم رقيقة
9.5/10
4-ورق عنب قال الرجال انه شغل بيت ثمانية حبات بعشرة ريال 1/10 بس ماحقول غير كدة عشان دي نعمة ربنا. حطيت التقييم دا عشان محد يفكر يجربه
تقرير عن مطعم كفتة اسطنبولي الواقع في شارع عبدالرحمن الخزاعي .. حي المروة.. وممكن نجيه من الحرمين..
هادي ٣ زيارة للمطعم .. يعجبني لأنه فاضي ورايق.. وأسعارهم مررة رخيصة جنب المطاعم التركية التانية.. والأكل لابأس به أقرب إلى الممتاز
طلباتنا كانت كالتالي:
– سلطة مشكلة .. أقل من عادية ٥/١٠ سعرها ١٢ ريال
-اسكندر لحم.. ٩/١٠ لذيذ وحموضته معتدله سعره ٣٣ تقريبا
-كفته محشية بجبن القشقوان..تجي مع رز بالزبدة ٩/١٠ مرة كانت لذيذة بس عيبها الجبنة قليلة.. اتوقع لو كتروها شوية بتطلع خرافه👌 سعرها ٢٨
-كباب لحم مع رز بالزبدة .. طعمه عادي جدا ٧/١٠ سعره ٢٧
-صحن بطاطس مقلية.. ماكانت فرش.. حارة بس ناشفه شويتين ٧/١٠ وسعره ١٠
النظافة ٩/١٠
الأسعار ٩/١٠
الويترز مررة بشوشين وخلوقين.. رحنا وقت صلاة العصر.. وجا يستأذن مننا إنه رايح يصلي..
وعندهم بارتشينات ستاير.. تعطي خصوصية بدون ماتحسسك بالانعزال والضيق لأن المكان شرح وواسع.
عيبهم :
-المنيو اتقلص عن أول والخيارات أصبحت قليلة
-مافي مواقف للسيارات
-لو يبتكروا أنواع جديدة للسلطات غير الانواع التقليدية اللي حاطينها يكون أفضل .
ا أنواع جديدة للسلطات غير الانواع التقليدية اللي حاطينها يكون أفضل .
