مارغريتا من اروع المطاعم الإيطالية في نظري المطعم دا خورافه
عنوان مطعم مارغريتا الإيطالي
تقاطع الروضة و الأمير سلطان خلف مطعم سمسم
رحنا بعد الظهر ماكان زحمه بس كان حيوي بالناس من بعد ضيافتهم اللزيزه الي انطلبت مرتين كانت طلباتنا ،،، شوربه فطر ٧/١٠ ب ٤٩ ريال
بيتزا فيجيتريانا (خضار) لزيزه مره ب ٥٦ ريال
بيتزا مارغريتا ( جبن عاديه) ب ٤٩ ريال
ريغاتوني الاسيسيا مكرونة بالصوص الأحمر و الريحان ب ٥٩ ريال
بنيني اربياتا لزيزه ب ٤٩ ريال
تالباتيلي مونتي (فتوتشيني) بالجمبري خورافه ب ٦٧ ريال
و الأطباق الأخيرة تقييمها ٩/١٠
المكان متوسط ونظيف والاكل لزيز ممتاز بصفه عامه يستاهل الزياره وفي كل وقت ،
المجموع ككل ٣٢٨ ريال
مطعم مارغريتا الايطالي
التقرير الثاني لمشاركة المتابعين
رحلة قصيرة لمطعم مارجاريتا الواقع على شارع الروضة تقاطع شارع الأمير سلطان. -وقت الزيارة كان الساعة ٦:٣٠ مساءا -العدد كان شخص واحد (اللي هوا انا 😁)
-الجلسة خارجية كانت والجو لا بأس به، المطعم كان متوسط في الازدحام وفي طاولات فاضية كتير👍 – .
تم تقديم الخبز بأنواع مختلفة (ماذقته لأني مو مرة احب اكله بس شكله مو بطّال) الطلبات كانت: – .
Lasagna el Forno – Corstata al ciocclato nero -لازانيا إل فورنو
-كورستاتا ىاتعللبفتومحوىلتوىبفين نيرو (ماعرفت ياخي انطق الكلمة 😂) .
نيجي للازانيا:
-كانت باللحم البقري المفروم والصلصة الحمراء
الشكل الخارجي (presentation ):
كان عادي جداً ومافي اي تكلف في تزيين الطبق، لاحظت وجود جزء من الطبق محروق والصلصة تميل الى السواد. جاء الطبق يشعلل حرارة 👍 . الطعم:
اول شي كانت اوڤر كووكد، مطبوخة أكثر من اللازم وطعم اللازانيا مختفي تماما، بالاضافة الى ان اللحم البقري كان طاغي جداً على كل شي، كأنك تاكل لحم مفروم بصلصة الطماطم، مافي خلطة اللازانيا المعروفة ولا نكهة مميزة، كأنه شغل بيت ويمكن اقل، الطماطم المستخدمة في الصلصة طازجة وطعمها جيد، اللحم ايضا كانت جودته طيبة، لكن مافي اي شي مميز بالطبق وتحس بالملل وانت بتاكله. حاجة أخرى ان كان جزء من الصلصة محروق (زي ماتشوفوا في الصورة) وايضا مع الصلصة في أوراق الغار او البي ليڤز وكانت قطع كبيرة بحجم الاصباع ووجودها غير محبب ابدا ابدا ابدا. .
التقييم:
الخدمة والنظافة والمكان جيد ومريح بشكل نسبي: ٨/١٠
اللزانيا حتكون ٣/١٠
مانصح في ابدا. .
