مطعم معصوب جدة

مطعم معصوب جدة

التقرير الأول لمشاركة المتابعين

رجعت لكم من جديد و تقرير لواحد من أشهر المحلات الشعبية اللي تقدم المعصوب و المطبق في جدة

عنوان مطعم معصوب جدة

الهنداوية – شارع الذهب – خلف شركة عبدالله هاشم هوندا –
–

الهاتف: 

+966 50 825 3529

المطعم شعبي جداً ومن يوم فتح ما غير ديكوره ولا أي حاجة
طبعاً رافقني في الزيارة حبيب الشعب و الملايين أحمد كعكي

–

طلباتنا كانت

مطبق مالح عادي : مطبق بعجينة سميكة نوعاً ما ،، المكونات طازجة ويكفي إنو يسووها قدامك –
–

مطبق حلو بالجبنة: خلطة جبنة مع السكر و البيض داخل عجينة المطبق السميكة ،، تعطيك طعم متوازن و جميل –
–

معصوب عادي بالحليب : بالنسبة لي أحب المعصوب من عندهم بالذات لمن يعطيك حليب وادي فاطمة وتحطه في المعصوب ياعيني يا ليلي و الأهم لا تنسى تشتري بريال جبنة بيضاء من البقالة اللي جنبهم عشان تكمل الليلة
–
–

معصوب دخن : أكثر شيء ناسب أحمد ،، إنو العجينة المستخدمة مقرمشة و طازجة والموضوع كان ممتع جداً بالنسبة له –
–

بالنسبة للمطبق ما ناسبنا كثير بحكم إنو في ناس كثير يسووهـ أفضل منهم بس المحل يستحق الزيارة و الشباب لهم جلسات خارجية و داخلية –
–

نشوفكم في تقرير قادم
❤

مطعم معصوب جدة

التقرير الثاني لمشاركة المتابعين

معصوب جدة بشارع الذهب بعد شركة عبدالله هاشم هوندا

دائما الاماكن الشعبية لها رونقها ونكهتها الخاصة معصوب جدة اسم على مسمى من اقدم مطاعم

المعصوب في جدة عمر المحل اكتر من ٤٠ سنة
الطلب معصوب بر الصحن ب ٥ ريال بكل امانة احلى معصوب فيكي ياجدة