مطعم نادية العثماني

مطعم نادية العثماني

التقرير الأول لمشاركة المتابعين

اليوم زرت مطعم نادية الجديد
و عنوانه المجمع الجديد خلف ستارز افينيو ،

المطعم من زمان شايفه و دورت تقارير تتكلم عنه بوضوح فما وجدت و قلت نجربه اليوم انا و المدام و اعمل عنه تقرير نبدأ بعون الله ،
وصلنا تمام الرابعة و النصف و كان المطعم شبه ممتلئ ، استقبالهم رائع

و نجي للطلبات و للامانة فيه خيبة أمل كبيرة ، جابوا المنيو و اخترنا التالي :

شوربة تركية (( عدس مع خبز محمص )) و تأخذ ٥/١٠ فيه محلات تسويها افضل السعر (( 22))

بوريك بالجبنة و يجي معه صلصة طماطم الطعم حلو و خفيف مو دسم لكن الصلصة لو سبايسي شوي افضل و تأخذ ٧/١٠ و السعر ((23))

إسكندر لحم مع صوص الزبادي طعم و شكل غير تقليدي و يأخذ ٧/١٠ و سعره (( 85))

شيش برك بالثوم و الزبادي طبعا ما فيه اي طعم للثوم و حبات الشيش برك صغيرة جدا و أشك اذا كان فيها حشوة أصلا و عموما طبق خيب الأمل كثير و يأخذ ٤/١٠ و سعره ٥٥

السلبيات /

الاكل كله وصل شبه دافيء رغم تأخرهم في الإعداد ،، الضيافة وصلت مع الاطباق و هذا عيب كبير في اي مطعم ،،،.

الايجابيات /

تجربة جديدة و احتمال ان تتكرر للافطار فقط حيث يظهر لديهم افطار مميز

مطعم نادية العثماني

التقرير الثاني لمشاركة المتابعين

السلام عليكم تقييمي رح يكون عن مطعم ناديه العثماني 🕊🌿.
بدايةً رحنا وقت فطور الساعة ٩ وكنا ٣ اشخاص
المكان كان مزحوم ماشاء الله ، الاستقبال كان رائع والويترز بشوشين ومتعاونين❣
طلباتنا كانت 🍳🧀..
– جبنة حلوم
وصلت باردة جداً وقاسيه وطريقة التقديم سيئة
اعطيها ١ / ١٠
– بوريك جبن
لذيذة جداً بس الطبق للأسف وصل بارد
اعطيها ٧ / ١٠
– شكشوكة
كانت عبارة عن كيلو طماطم فيها شوية بيض 🙄
و نادينا الويترز يغيرها ويقلل طماطم ورجعها ع نفس الوضع 😒🍅🍅🍅🍅🍅🍅🍅
اعطيها ١ / ١٠
– بيض بالجبن والفطر
هالطبق مرا لذيذ بس برضو وصلنا بارد
اعطيه ٨ / ١٠
– ٢ شاي
طبعاً السيء في الموضوع ان الشاي طلبناهم يمكن ٣ مرات ولا حياة لمن تنادي بعد ماخلصنا فطور وشبعنا جابوه 🤔!
– عصير كيوي وليمون
لذيذ وفريش
٩ / ١٠
الحساب كان بحدود ٢٠٠ تقريباً 🌿، ويمكن مارح اكرر الزياره ❣