مطعم برو برجر من المطاعم القليلة في جدة و اللي تستخدم خبز بطاطس المارتينز الأمريكي في ساندويتشاتها ومازالوا محافظين على جودتهم الرائعة و جربت كذا صنف عندهم و طلعت بهذه النتيجة .
.
المقبلات
أصابع الدجاج المقرمشة : من الطلبات الجميلة واللي ممكن تبدأ فيها وجبتك ،، دجاج طري و مقرمش ولذيذ ،، عيب هذا الطلب الوحيد انو يقدموها من غير صوص تغميس و اقترحت عليهم يقدموها بصوص وقالوا حيدرسوا الموضوع
سعر الطلب : ١٣ ريال
فرايز بالبيكون و الهلابينو : تشيلي تشيز فرايز بقطع من البيكون المقرمش و الجبنة الذائبة وحبات الهلابينو عشان الحرارة تخلي هذا الطلب من المقبلات اللي لازم تطلبها
سعر الطلب : ١٨ ريال
حلقات البصل : نفس الموجود في أغلب المحلات و أعتبرها عادية جداً
سعر الطلب : ٩ ريال
برو سنجل بخبز المارتينز : هذا هو طلبي المفضل من عندهم شريحة من لحم الأنجوس بيف الكندي من النوعية الفاخرة ،، بدون فلسفة شوية بهارات مع مهارة الشوي أعطتنا برجر بتركيبة جميلة مع صوصهم المميز
سعر الطلب : ١٦ ريال
برو تشيكن كاجون : برضه خبز البطاطس و الدجاج الطازج المستخدم في هذا الطلب خلاني أحب الدجاج المشوي عندهم بحكم إنو ماعندهم برجر بدجاج مقلي وخلطة الكيجون مع شوية لذعة حرارة تخليه بطعم مميز وكمان عندهم خيار آخر من غير حرارة
سعر الطلب : ٢٤ ريال
برو دبل : مستخدمين فيه خبز بطاطس من نوعية أخرى بس هذا الطلب حسيته عادي جداً الشيء المميز فيه إنو شريحتين لحم ٢٠٠ جرام تخليك تستطعم طعم اللحم للناس اللي تحب الدبل
سعر الطلب : ٣١ ريال .
.
المطعم كتجربة يعتبر جميل و من خلال زياراتي العديدة للمكان لقيته محافظ على نفس الجودة الممتازة
عندهم قسم عائلات و قسم أفراد وماعندهم ساتر أو بارتشن
دوامهم اليومي من ١ الظهر لين ١ الليل
وعندهم توصيل عن طريق برامج الطلبات المختلفة .
.
