فطور بالطريقة الهندية قريب من الفطور الحجازي بس بدون حلاوة طحينية وتميس ولبنه وجبنه سائلة وبدل التميس شباتي وبدل الشاهي بالحليب كرك الاكل لذيذ والجلسات حلوه بس المحل صغير كان اختيار رائع لكن ترتيب المنيو وحرية الاختيار ما عجبتني واجتهد معايا الموظف من عنده عشان اضيف او الغي بعض الاطباق الي مناسبتني مثلاً كنت ابا صحن جبنه سائلة ولبنه ماعندهم في المنيو بس موجود ساندويش فا طلبت منه يحطلي الجبنه في صحن ويجبلي العيش على جمب ونفس الشي مع اللبنه فا الله يعطيه العافية سوالي الشي دا اجتهاد منه
منيو مطعم يلا شباتي
المطعم جميل جدًا و هادي و الاسعار مناسبة رحت لهم وقت الافطار الشباتي لذيذ و الكرك ايضًا وهذي طلباتي: 1- يلا نغمس بـ 49 ﷼ ” وجبة افطار كاملة لشخصين 2- لبنة عسل بـ 11 ﷼ 3- كرك صغير بـ 5 ﷼ 4- مومباي فرايز بـ 16 ﷼ ———– * ملاحظاتي : صحون الاكل صغيرة لا تكفي لشخصين ، دورة المياة مشتركة
اراء المتابعين
التقرير الأول
مكان صغير وجميل يضم قسمين للعوائل والشباب ..
لمسات فنيه جميلة يفتح يوميا من ٨ الصباح الى ١ الظهر ومن ٦ المساء الى ١٢ الليل …
منيو مختص بالشباتي والكرك بطريقة تقديم مبتكرة واضافات لذيذة
الطلبات:
يلا نغمس>>عبارة عن
( شكشوكة أو فول انا طلبت الاثنين واضفت ٨ ريال على سعر الطلب الكلي تتقدم مع خضار ولبنة وجبنة فرنسية و عسل ومربى وحلاوة طحينية شباتي ابيض واخضر واسمر وكرك لشخصين )
مطعم يقدم الشباتي والكرك واصناف متعدده من المقبلات والمشروبات
.
الديكور جميل ومختلف ، وطاقم العمل قمة في الأخلاق والاحترام 👍🏻
.
الطلبات :
– يلا مكسيكي ١٦ ريال
(فاهيتا الدجاج مع الجبنة والصلصة الخاصه والخضار)
– ٢ كرك “اصلي” ١٨ ريال
– لفائف الخضار ١٤ ريال
– يلا سينامون ٢٣ ريال
(حلا شباتي بالقرفة والمكسرات)
.
المجموع :
٧١ ريال “مع الضريبة”
.
الطعم ممتاز جداً لكل الأصناف ،
خصوصاً الشباتي كانت نكهته لذيذه ومميزه
والكرك رائع جداً 👍🏻
.
بصراحه اعتبره من افضل المطاعم اللي جربت فيها الكرك والشباتي في جدة
.
متوفر عندهم ١٥ نوع مختلف من الشباتي بحشوات مختلفه ،
و ٤ نكهات مختلفه من الكرك
التقرير الثالث
رااااااائع، والكرك طعمة حكاية، المكان صغير نوعاً ما، الخدمة ممتازة وسريعة، والموظفين قمة في الاخلاق، الديكور بسيط، والاكل عادي ومعتاد، الحلو عندهم أنواع الشباتي
التقرير الرابع
مطعم جدا جدا جميل ورايق عجبني الهدوا في الصباح وعدم الازدحام فيه وكمان فطورهم جدا لذيذ طلبت شباتي بالبطاطس و طلع خورافي وطلبت كبده و شكشوكه كمان لذيذه و الشباتي جدا خفيف وغير دسم وراح اجيهم وقت الغدا اجرب اصنافه باذن الله
التقرير الخامس
ماهي اول زيارة وكل الزيارتين فطور ، الاكل لذيذ طلبنا صحن فطور عربي مثل ماهو واضح فيه شكشوكة مع نواشف وشباتي و٢ كرك ب ٦٢ ريال + طبق جانبي اومليت بيض لذيذ جداً تقريباً ب١٨ ريال الكرك حلو وحلاه مضبوط . المكان صغير جيناه بوقت مبكر فاضي ولكن شررح 💫
التقرير السادس
الاكل ممتاز جدا جدا والنظافة ممتازه جدا جدا جدا ولكن اتمنى من الاداره الموقره البحث عن مكان أفضل واكبر والأسعار لا بأس بها
التقرير السابع
طلبت جمبري مقلي بالجرجير ووصلني ذا الشيء كلمت الموظف وقلتله انا مو شايفة جمبري ذي بس خلطة الجمبري غير إن طعمها محروق ، قالي الجمبري مره صغيرة قلت طيب حتى وان كان فكمية الجمبري قليلة مره قالي طيب اشوف وارجعلك وسحب عليا ما كانوا شايفنا حابة أعرف ليش ما تعملوا دورات للموظفين عشان يتعلموا يتعاملوا مع الزباين بدل دي المهزلة اللي سارت ؟؟؟ في مئة طريقة ممكن تراضي فيها الزبون تعويض او خصم بس التطنيش مو منها اكيد مالي رجعة ثاني
التقرير الثامن
جيت اليوم الصباح المطعم مرتب والموظف محترم اسمه محمد والشباتي طعم خفيف بصراحه عجبني بس عطيتكم ٤ نجوم عشان سعر دجاج بالزبدة السعر مبالغ فيه جدا وبصراحه الطعم مو قد كذا فيه طعم شي زايد مغطي على نكهة الدجاج اتمنى اعادة النظر فيه وفي الاسعار كمان وبالنسبة للديكور مرتب بصراحه وجميل تراث هندي شكرا لكم
