مطعم آوت باك جدة مطعم مميز جدا وراقي جدا ويتميز بالهدوء والجلسات الجميله سواءا الداخليه او الخارجيه والنظافة ملحوظه في المكان والاستقبال رائع والطعام لذيذ وجودته عاليه 💜❤️
تياترو مول،، شارع الأمير محمد بن عبدالعزيز، التحلية، جدة
+966 9200 27043
من احب المطاعم لي في جدة هالفرع رائع جداً ، داخل تياترو مول وايضاً له مدخل خاص من خارج المول مباشرة للمطعم ، جميل بالنهار والانشراح و الجمال اللي تخوضوا تجربته بهالمكان < عن تجربتي جربته غداء تقريباً نص المنيو ( ٢ فاهيتا دجاج و التاني لحم يحضرونها لكم بالطاوه وهي ساخنة طعمه مره و كساديا دجاج و فرايز التشكن بالجبن كانت من ألذ الاطباق اللي رح ارجع عشانه ، شوربه الكريمه حلوه ، و سلطة السيزر ، برجر الدجاج شهي ، طبق مقبلات كبير ، مكرونة فيتوتشيني لذذذذذذذذيذذذذذة لاتتعدوها ، للامانة حبيت اشاركم اي مكان يحوز على رضاي وهالمكان يستحق ، وآمانة مثل ما قيمت المكان بذكر السعر هالغدا فاتورته ٧٣٥ ريال ( لكن انتو اذا تبوا تجربونه روحوه بالعروض خلال ايام الاسبوع ) يناسب العوائل و الافراد وبالنهار مثل ما وصيتكم لانو بالليل احسه مو بجمال النهار ،
في عرض الغدا كل طلب يجي معاه (مشروبات غازية او ايس تي /طبق سلطة صغير /طبق صغير شوربة اليوم/ مغرفة ايسكريم بصوص الشوكولاته/ قهوة امريكي او شاي) اعتقد مكتوب يجي معاه قطعة خبز لكن مانزل مع الطلبات اعتقد نسيو
الطبق الرئيسي حجمه صغير (غير عن الطلب في الوقت العادي) لكن مع وجود الاطباق الجانبية السلطة والشوربة والايسكريم بتكون الوجبة مناسبة لشخص معتدل وبكل امانه كانت وجبة مشبعة👍🏼.
شوربة اليوم كانت لزيزة عبارة عن شوربة كريمة البصل – وبما اني ما احب البصل فماكنت اعتقد انها راح تعجبني لكن حبيتها – طعمها مختلف عن شوربة البصل الفرنسية.
اخر شي طلبنا القهوة سفري وحطوها لنا في اكواب ورقية
الكميات مناسبة ومشبعة والاسعار ممتازة
الخدمة سريعة وحريصين يلبو طلباتك،
المكان أجواءه هادية ومريحة، ماكان فيه موسيقى او اغاني، عندهم بارتيشن بالطلب، التكييف ممتاز، المكان نظيف.
المشكلة الكبرى وقت الغداء و وقت البريك لمن تدور تتغدى شيء مميز ويكون اقتصادي فالخيارات قدامك كثيرة و هذه المرة جا في بالنا نجرب عرض الغداء في مطعم آوت باك وهذه كانت تجربتنا .
.
عرض الغداء عندهم يبدأ من ٣٣ ريال من الأحد للخميس من ١ الظهر لين ٤ العصر ويعتمد السعر على حسب الوجبة المطلوبة
يقدموا معاها شوربة اليوم و خبز البوشمان و مشروب غازي أو آيس تي
شوربة اليوم ( سويت أونيون ) : من المحلات القليلة اللي يزبطوا شوربة البصل ،، ورشة الجبنة فوق الشوربة أعطتها نكهة جميلة ،، هذا الطلب مناسب لمحبي البصل 👌 وكان عندهم اختيار ثاني وهو شوربة الخضار حسيتها عادية .
.
مكعبات اللحم البقري مع الفطر : طلبتها ميديم ول ( نص استواء ) ،، وهي عبارة عن قطع الستيك الطرية المتبلة مشوية ومغطاة بصوص الفطر ( ديمي جلاذ ) ،، يقدم مع طبق جانبي من اختيارك وانا اخترت البطاطا المهروسة ،، الاختيار كان ممتاز ،، اللحم كان طري و لذيذ 👍🏼
سعر الطلب : ٥٥ ريال .
.
سيراليون مع صلصة البيبركورن : طلبناها ول دن ( استواء كامل ) ،، مناسبة لمحبي اللحم المستوي بالكامل ،، وهو عبارة عن لحم السيراليون الخاص مغطى بصوص الفلفل الأسود تقدم مع بطاطس الأوسي ،، الطلب كويس بس حبيت المكعبات أكثر
سعر الطلب : ٥٥ ريال .
.
عندهم قائمة نازلة جديدة لفترة محدودة جربت منها
فولكانو شريمب كريسبي : داينامايت شريمب بطريقتهم الخاصة ،، عجبني بس كان حار زيادة عن اللزوم ،، طعمه لذيذ و الصوص المستخدم موزون ،، يستاهل تجربه 😉
سعر الطلب : ٥٥ ريال .
.
بالنسبة للحلا طلبنا كان
شوكليت ثاندر فروم داون أندر : قطعة براوني غنية بجوز البيكان ، مغطاة بآيس كريم الفانيلا الغني ، ومزينة بصوص الشوكولاتة الدافئة ،، والشوكولاتة المبشورة و الكريمة المخفوقة ،، ما عجبني الحلا بكل أمانة عشان جوز البيكان ،، ممكن لو كان بدونه كان طلع أطعم
سعر الطلب : ٤٩ ريال ( غير مشمول في عرض الغداء ) .
.
المهم إنو دورنا ع التوفير لقينا نفسنا طالعين ودافعين ٢٢٤ ريال 😓
المطعم جميل وعندهم قسم أفراد و قسم عائلات و ما أدري لو كان عندهم بارتشن للعائلات
عرض الغذاء استمتع بوجبة الغذاء اما من خلال العروض والذي يشمل السلطة وطبق الشوربة والطبق الرئيسي والمشروب اما مشروبات غازية او آيس تي بأسعار تنافسية ويقدم ايضا الخبز الاسمرمع الزبدة ويمكنك اضافة أطباق اخرى وتتنوع لديه الاطباق من ستيكات او دجاج او بحري. يستحق الزياره والتجربه انصح به
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
