مطعم للوجبات السريعة يقدم البرقر الدجاج واللحم البقري ديكوراته جميله الطعم جيد السعر غالي والحجم صغير يقدم التفاح مجانا في سله بمدخل المحل
منيو برقر فريشنيس كانتري
مطعم برجر و فاست فود يقدم بطريقه طازجه و صحيه
.
.
🧭مواعيد العمل : ١ظهرا إلى ٢ ليلا و الويكند الى ٣ ليلا
.
.
👨👩👧👧 للأفراد و العوائل مع وجود بارتشن
.
.
.
خصم خاص للمتابعين ٢٠% إلى ٥ مايو (كبشر الشاشة الخاصة بالخصم موجوده في البروفايل للحصول على الخصم)
.
⏺ الطلبات: (اسعار قبل الخصم)
🍎🍏 تفاح ضيافه
سيزار تشيكن برجر ١٩ ريال
كريسبي تشيكن برجر ١٩ ريال
سبشل برجر ١٩ ريال
🌯فاهيتا بيف ١٦ ريال
وفاهيتا تشيكن ١٦ ريال
دبل ستيك بليت ٣٩ ريال
🥗سلطة ستيك ٢٣ ريال
كريسبي تشيكن فرايز ٢١ ريال
أصابع الموزاريلا ١١ ريال
🍟ستيك فرايز ٢٧ ريال
🍹عصير تفاح عندهم مميز جدا ٦ ريال
.
.
.
👍🏼الاطباق الموصى بها
.
. 📉التقييم
مطعم متخصص في البرجر و الفاست فود لكن يقدمها بطريقه صحيه و طبيعيه اكتر من المطاعم الاخرى؛ يتم تحضير كل شي عندهم في المطعم؛ جميع الصوصات بما فيها الكاتشب تحضر عندهم بمكونات طبيعيه؛ اللحوم طازجه ذبح يومي؛ يستخدموا زيت الكانولا في القلي؛ و خبز البرجر يخبز عندهم في المطعم بشكل يومي
و احلى شي عندهم التفاح ضيافه تقدر تاكل منها على قد ما تحب 🍎🍏
الاكل طعمه لذيذ و المكان جميل و اسعاره منافسه
اكيد المطعم يستحق الزياره و التجربه 👍🏼🍎🍏
اراء المتابعين
التقرير الأول
يقدم البرجر و مبدأ المطعم هو الحفاظ على البيئة.. شيء مميز! طلباتي كانت ميربل تشيكن وكان لذيذ ولكن للاسف حار ومليان فلفل وانا ماحب الفلفل وبرقر لحم سبيشل كان لذيذ وخفيف على المعدة.. المطعم يفتقر لحسن الاستقبال و يحتاج ترتيب من الداخل وخدمة للعميل اكثر مما كان..
التقرير الثاني
جربت برجر اللحم.. عادي جدا اورجينال شيكن فيليه.. كان سبايسي لا يصلح للاطفال وطعمه عادي.. الصوص عادي السعر معقول الخدمة تحتاج إلى عناية أكثر النظافة جيده الخلاصة هناك خيارات أفضل
التقرير الثالث
بصراحة المطعم ممتاز والخدمة جداً جميله وكذلك البرقر طعمو جداً جميل والاسعار ممتازه طلبت منهم وجبة سبيشل ووجبة تي ان تي وكلها كانت طعمة انصح بزيارته . صحيح الشاب السعودي كانت جداً محترم وتعامله راقي
التقرير الرابع
يستخدمون لحوم طازجه، البرجر جيد لكن مدري ليش يكب عليه كمية فلفل اسود بعد ماحطه بالخبز وتقدرون تشوفونه بالصوره الفلفل فوق الجبن، المتعارف عليه الفلفل والملح ينحطون عالبرجر وهو عالصاج مو بعد مايستوي وتحطه بالخبز تكب عليه كيلو فلفل ديكور المحل يحتاج تعديل خصوصا الالوان، مدري ليش مستخدم لون اخضر زيتي، المفترض استخدم اخضر فاتح عشبي خصوصا ان شعارهم بالمحل انه صحي ويقدمون التفاح مجانا اللوحات الي حاطينها ايضا الوانها كئيبه
التقرير الخامس
هذا المطعم من المشاريع السعودية اللي الواحد يفتخر فيها يكفي إنو كل شيء طازج ويتم إعداده في المطعم بداية من الصوصات حتى الكتشب يتم إعداده في المطعم ويستخدموا لحوم عجول بلدية والدجاج طازج ومحافظين على مستواهم ويحاولوا دايماً تقديم الجديد الفاهيتا عندهم لا تفوتكم و بطاطسهم لذيذة صح كمان عندهم مبادرة التفاح المجاني للجميع وعندهم عصير تفاح رهيب لا يفوتكم أتمنى أشوف لهم فروع في مختلف المناطق والله يوفقهم
التقرير السادس
الديكور: اجتهاد شخصي وغير متناسق في افكار حلوة ولكنها ما تخدم التخصص اكلات سريعة مثل التفاح، استخدام الرخام مبالغ، باين ما عنده مصمم داخلي واجتهد وخبص كل شي في بعضه حتى تنظيف المحل من مكان مطبخ وعصيرات وجلسات ملخبط جدا الاكل: عندهم الخبز ممتاز بريوش وطازج يخبز بشكل مستمر ولكن تمنيته يقدم حار او دافئ لانه كان بارد اللحم مستواه يحتاج لتطوير وغير جوسي برجر الدجاج سيء وهو من الجاهز اعتقد امريكانا او رضوى حتى بالطلعات ما استخدمه لانه ما يتاكل صوص الثوم غير قوي غالبا ببودرة الثوم لان طعمه بارد جدا صوص الكوكتيل جميل لكنهم مدخلين الاوريجانو بكل شي بشكل مبالغ. البطاطس بالاوريقانو وخلطته جيدة ومتناسق البطاطس العادي سيء الطلب ما كان حار بشكل كافي ككل الموظفين متعاونين ولكنهم غير مبتسمين وباين انهم غير مدربين كويس في ارتجال في كل شي، احد الموظفين كان شغال على الخبز لمس كماماته 3 مرات وهذي مشكلة، ايضا المناديل كانت غير متوفرة في دورات المياه، طريقة وضع السفرة مع رش الماء غير جيدة تماما التقييم ككل جيد كوجبة في طريقك ولكنه لا يستحق الزيارة
التقرير السابع
عنده أفكار لطيفة.. تفاح مجاني.. الخدمة ذاتية..حسب وصفهم كل منتجاتهم طبيعيه بدون إضافات مثل الخبز والصوصات الصور للبرجر الخاص(مدبل) فاهيتا دجاج و أصابه موزاريلا.. الصوصات مجانية مع الطلب البرجر ككل 6/10 الخبز 9/10 اللحم 8/10 أصابع موزاريلا 6/10 البطاطس 7/10 البرجر جيد لكن مشكلته فيه قطع طماطم كأنها مطبوخه والبصل المكرمل ماهو بصل مكرمل؛ كأنه بصل مقلقل.. الخلاصه كأنك تاكل برجر لحم مقلقل.. أصابع الموزاريلا عادية والبطاطس تتبليتها غريبة لكنه جيدة
