مطعم جاوا جده رائع، يستحق الزيارة مرة أخرى. أعجبني حسن التنظيم وتوفّر المناديل على الطاولات، والصابون عند المغسلة، ونظافة الطاولات أيضًا. ومستوى الأكل وطعمه لذيذ جدًا، وينافس المطاعم الأخرى. استمروا 👏🏽
الاسم:مطعم جاوا جده
التصنيف : عائلات – افراد
النوع : مطعم مأكولات إندونيسية
الأسعار: متوسطة
الأطفال :مناسب
الموسيقى:لا يوجد
مواعيد العمل:١:٠٠م–١٢:٠٠ص
الموقع الإلكتروني للمطعم: للدخول للموقع الإلكتروني للمطعم اضغط هنا
الموقع على خرائط جوجل: للوصول للمطعم عبر خرائط جوجل اضغط هنا
عنوان مطعم جاوا جده
شارع حراء، حي المروة، جدة
رقم مطعم جاوا جده
966567455725+
أفضل اطباق المطعم
جربت اخدت من عندهم عن طريق تطبيق كريم، وكانت طلباتي كالتالي: ١) رز مقلي بالخضار 🍚🥬🌶🥒، طعمه جيد ومسبك مظبوط، فيه بهارات خاصة على عكس بعض المطاعم الجاوية الثانية (عبارة رز ابيض وكيتشاب حلو🍾فقط)، واللي عجبني كمان انه جاء حار نار يعني مسوينه جديد وما كان بارد وبايت. واعطيه (٣.٥/٥). ٢) ساتي لحم🍢، كان جيد برضو واللحم كان طري وصوص اللوز كان لذيذ ومطبوخ صح. واعطيه (٤/٥). ٣) ساتي دجاج🍡 كان لزيز مرة، والدجاج كان مستوي مظبوط وجاء معاه صوص اللوز برضو. واعطيه (٤/٥). ٤) الشوربة (السوب)🍲كانت حارة وطعمها كان ممتاز، عكس بعض المطاعم تلاقيها موية وملح فقط🤨. واعطيها (٣،٥/٥). ٥) سمبل بلاتشان🌶 (الصوص الحار)، بصراحة أول مطعم جاوي في جدة الاقي عنده سمبل بلاتشان مظبوط (زي حق المطاعم في اندونيسيا وماليزيا)، على عكس بعض المطاعم الجاوية التانية تلاقي السمبل بلاتشان حقهم عبارة عن فلفل مطحون وملح فقط😑. وأعطيه (٥/٥). 💯 في المجمل اكلهم كان جيد جداً وعجبني، على الرغم من أنه واخد تقييم اقل من ٤ في جوجل ماب!! بس يستاهل التجربة وفي المرة الجاية رح أجرب الرز المشكل🍱 حقهم بإذن الله. وهادا تقييمي في مطعم جاوا جدة وبالتوفيق للجميع💐.
منيو مطعم جاوا جده
تقارير المتابعين للمطعم:
التقرير الأول:
٣ مشكل وسط و٢ ساتي و ١ ناسي قورنق طعم رائع ولذيذ والمشكل يكفي شخص وزياده أفضل مطعم اندنوسي بجده من ناحية الطعم وكذالك الأسعار أنصح فيه وبقوه بعض الاحيان يكون عنده عروض ممتازه أتمنى يوسع المحل وتكون الطاولات كبيره خاصه للعائلات
التقرير الثاني:
لذيذ ونظيف طازج ومرتب العمالة بشوشين وطيبين لاتنسى تطلب الشوربة 😙 عندو كربو لذيذ جدا جدا
التقرير الثالث:
مطعم رائع جداً وفي طور التطور. وصاحب المحل انسان خلوق. بس عندي ملاحظة على بعض التعليقات، يجي شخص ما عجبه شي واحد فقط يقوم يخسف المطعم الى نجمة وحدة عشان الكمية او اي سبب ثاني!! طيب الخدمة و التقديم و الجلسات والى اخره؟؟؟ ترا كلها محسوبة بخمس نجوم!!! اتقو الله تقطعون ارزاق الناس!
التقرير الرابع:
المحل وسيع وبه طاولات عادية، التعامل جدًا جيد ولبق من الطاقم ومحترمين كثيرًا في تنوع في الاطباق جربت الساتي و الرز المقلي، جدًا لذيذة، واعطاني شربة مجانًا مع الطلب. انصح به
