– ١) فول مبخر مع الدقة وكان رائع ونسبة التبخير فيه جيدة جداً .
٢) بيض عيون مع الجبنة الكرافت المبشورة كان رائع ولو كان البيض اقل استواء برأيي انه افضل بكثير .
٣) بزاليا خضراء طلبت البصل خفييف جداً ولكن شكل الكرم عندهم على البصل بزيادة لكن في النهاية الطعم جيد ولكن ما اضن اني اطلب بزاليا ثاني مرة .
٤) طلبنا اجبان كرافت و بيضا
٥) براد شاهي حليب
ملاحظه :- طلبنا مطبق حلو بالجبنة لكن مايقدمو مطبق الا بالليل .
السعر ٥٨ ريال التقيم :-
الاكل ١٠/٨.٥٠
الخدمة ١٠/٩
النظافة ١٠/٩
المواقف ١٠/٨
ليس من الضرورة كل ما اقيمة يحوز ع رضاكم ف رضى الجميع غاية يصعب ادراكها .
ولكم منا جزيل الشكر والتقدير
منيو مطعم نكهة زمان
ستايله عادي اسعاره رخيصه و اكلهم انواع الفول القلابه الطعميه و نواشف الخ الخ … حلو لفطور بس انا رحته اتعشى اشتهيت هالفول مع الحمص 😅
طلبت طلبات كثير و بالفاتورة بس ١٦٠ ريال
مايصلح عوائل كبيرة و كمان عيبه ازعاج الاطفال
اراء المتابعين
التقرير الأول
المكان صغير لكن له ذكريات اكلهم جميل عريكه لذيذه فول وكبده جميله حمص متوسط الى عادي يعطيهم العافيه المكان جميل جداً وترتيب وتنظيم رائع والاجراءات الاحترازية 👍🏻👍🏻 لكن يبغاله ينظر بموضوع الاسعار شوي مرتفعه
التقرير الثاني
اكثر من مره ازور نكهة زمان راح اتكلم فيه عن الطعم والسعر . الفول جيدا جدا خصوصا المبخر وقلابة خاله فتو اما الاسعار مرتفعه بشكل ليس له مبرر . يوجد قسم عوائل فيها حواجز ما قدرت اصور قسم العوائل ويوجد جلسات للأفراد
التقرير الثالث
كانت تجربة جميلة ، فقط جربت الكبدة والمعصوب والطعمية . الاكل جيد ومقبول بعكس الجلسات الغير مريحة . الخصوصية للعائلات جيدة انصح به
التقرير الرابع
الاكل لذيذ للأمانة خصوصا العريكة كانت جدا لذيذة المكان والموقع تمام لكن ضايقني شي واحد لما طلبنا الاكل من المضيف المصري بعد ما اخذ طلباتنا طلب مبلغ العشاء قبل يجي الطلب ماكان اسلوب حلو كان المفترض بعد مانتشعى ابراز الفاتورة
التقرير الخامس
غني عن التعريف يعتبر من اشهر المحلات المحافظة على جودة الاكل الشعبي جميع الاطباق طيبة وتعتمد على الشي اللي تبغاه عندهم زحام في قسم العوائل وايضا زودو الطاولات في قسمهم وفيه بعض الناس ماتناسبهم زحمة الطاولات ولكن هوا يقدم الاكل الشعبي فيعتبر كويس. عندهم بارتشن بعض الاطباق الشاهي عندهم بالبراد الغضار القديم ويتميز بنكهته القوية. عندهم تميس بالسمسم طيب لحسة هوا بيض شكشوكة بالجبنة فول زمان مضاف عليه بعض الاضافات المميزة. الكبدة طيبة وتغيرت عن السابق وفيه تطور ملحوظ👍🏼 لو يسون بجكات او قوائم طعام محددة في اطباق صغيرة وبسعر عادل يصير الزبون اكل من اغلب الاطباق ويصير المطعم تميز عن غيره بتقديمه وجبة فيها مجموعه من الاطباق
التقرير السادس
الطلبات كانت كالتالي كبده بالجبن 2 / 10 لحم مقلقل 5 / 10 فول خاله فتو الطعم 10 / 10 لكن السعر 12 ريال مبالغ فيه جدا جدا بيض عيون بالجبن 8 / 10 مشروبات ساخنة الحساب 78 ريال المطعم مساحته صغيرة جدا والممرات ضيقة الصباح لابد من الانتظار غالبا ولا يوجد مكان للانتظار الا في سيارتك العمال تعاملهم ممتاز واجهة المحل وديكوراته كئيبة جدا
التقرير السابع
مطعم نكهه زمان : يحتاج المكان شويه تجديد لانه صار قديم مره ومتهالك بما انو موقعه حيوي ومهم ولاحظنا انو الموظفين يشتغلون بدون نفس ياليت اذا ما أخذو رواتبهم تعطيهم هي واذا ماكانت الرواتب هي السبب ياليت يحط مدير حازم يراقب العمال وتعاملهم مع الزبون .. لان المطعم لوكان ملك للموظفين الغير سعوديين للاحظنا الحماس والنشاط ياصاحب المطعم راقب مطعمك وشكراً
التقرير الثامن
المكان جميل من حيث الديكور والترتيب الكراسي شوي مو مريحه يحتجلها تحسين. بلنسبة للعاملين محترمين. الاسعار مرتفعه شويه. بلنسبه للأكل: القلابه لذيذة. المقلقل اللحم مقطع جدا صغير طعم الخضار فيه غطى على نكهة اللحم والكبدة جيدة. البيض لذيذ ودرجة السوا ممتازة لبيض العيون. الشاي العدني نكهته خفيفه جدا اجمالا تجربه جميلة
