مطعم ومقهى كروز لاونج مكان هادي و جميل ، فيلو قسم داخلي حاطين فيه شاشات و قسم خارجي يوجد به مطرب ، وقسم خارجي بدون مطرب ، ارجيلتهم جيدة ، أسعاره تعتبر غالية ، قهوتهم الأمريكية جيدةةة 😋😋😍 ..
طريق الأمير سلطان، جدة
مكان راقي وجميل جداً يقع في شارع الأمير سلطان يقدم أنواع مختلفة من العصائر الطازجة والمشروبات الساخنة والباردة والمشروبات الغازية بالإضافة للحلويات والكريب والسلطات والمقبلات الشرقية يوجد إفطار وغداء وعشاء كما تشمل القائمة أنواع محتلفة من المأكولات مابين الشرقية والإيطالية والشامية واللبنانية والبيتزا بأنواعها والساندوتشات كما يقدم المعسلات ويوجد فنان يضيف جو من المرح ✨💛
١.فيه فرق موسيقيه وانا لم يعجبني بسبب الاضائه كانت الوانها كثيره بس بالنهار احسه افضل فيه جلسات خارجيه وداخليه
٢.يتعاملون بالخصم الذهبي (طبعا انا جيت لهذا المطعم بسبب الخصم الي شفته بتطبيق الخصم الذهبي وكانوا كاتبين خصم على جميع الطلبات ٢٠% وبس وقلت يالله نجربه وطلبنا ٢ لاتيه وكريب كانت تقريبا ٧٩ ريال وماسوو لنا تخفيض بسبب انه المفترض يكون الطلب اكثر من ١٠٠ ريال 😐
فيه اماكن تعجبنا كـ ديكور .. ولكن كخدمة وكـ طلبات .. تخيب الظنون ..
من الاماكن الجديدة اللي لهم العذر في لخبطة الخدمة والطلبات لانهم في افتتاح تجريبي ..
ولكن كـ طعم ولذاذة وأسعار ✋🏻🤷🏻♀️
.
من وجهة نظري لم تناسبني .. اسعار المنيو مبالغ فيها و الطلب لم يكن بالمستوى المطلوب والخدمة انتظار اكثر من نص ساعة وتاخير في الطلب بالرغم من عدم ازدحام المكان ..
طلبت
.
قهوة تركية .. عادية جدا ١٢ ريال
طلبت كنافة .. لم تكن متوفرة .. سألت الويترز عن المتوفر .. قال فطيرة التفاح .. ولكن اللي وصلني تفاح مكرمل مع الايس كريم 🙄 ب ٤٥ ريال .. مجرد تفاح مقطع مكعبات 🤔
الضريبة المضافة ٢،٦٥
موجود ع طريق الامير سلطان ابراج ليليان ..
المكان واضح جديد لان فيه شوية اخطاء
بس نلتمس لهم العذر لازم اللخبطه بالاول ..
طلبت فطور عربي
( لبنه وعسل ومربى وقشطه وزيتون وشانكليش )
طبعا الصحن صغير ع سعر ٤٩ 😏 ..
طلبت مناقيش زعتر ب١٩ حلوه ..
فول ب١٩ ممتاز 👌🏻..
شاي ب١١
ولاتيه قبل الفطور ب١٨علشان المخ يفك 😂
ما اكرر الزياره الا بعد شهور
علشان تتحسن شويه الخدمه
لانهم يفتحو ٦ الصباح ونص
الموظفين ما جو الا ٨ وربع 🤣
وكمان ماعطونا فاتوره لان الموظف المسؤل متأخر 🙃
مميز .. واجواءهم حلوة .. تبقى الاسعار مشكلة غالبية المطاعم المميزة .. المكان جميل و الخدمة رائعة و سريعة و الحلا و المشروبات كويسة ، مكان يستحق الزيارة رغم ان الاسعار مرتفعة
مطعم ومقهى بمطل ظريف وتجهيز طيب وبموقع مناسب لديهم صاله مغطاه بمساحه كبيره يقدم فيها أغاني وطرب لمن يفضل هذه الأجواء وبرسم ١٠٠ ريال للشخص الواحد تدخل ضمن الطلبات وذلك في وسط الأسبوع ولديهم حفلات بنهاية الأسبوع لمن تستهويه تلك الأجواء ولديهم جلسات خارجيه برسم ٥٠ ريال للشخص الواحد وتدخل كذلك ضمن الطلبات وتلك الجلسات لطيفه وأن كانت محدوده ومتلاصقه ومتوفر بالموقع مواقف بعدد متوسط وخدمتهم في تسجيل الطلبات يقوم عليها بعض الفتيات خبرتهم واضح أنها محدوده أما طاقم الخدمات الأخرى طيب ومتجاوب وأسعارهم متوسطه
رحت الكافي منغره بالديكور وعلى بالي راح يكون حلو لكن اكتشفت انه من اسوأ الكافيهات كـ خدمة وتعامل وانظمة ، كان عددنا ٤ اشخاص وتم اجبارنا بأن ناخذ ٤ وجبات رئيسية على كل شخص ياخذ وجبه يعني حتى المقبلات ماتنحسب ونص اللي بالمنيو ماكان موجود اللي كان موجود ماكان نفس ذوقنا لكن اضطرينا نطلب بسبب الويتر
( الاكل الله يكرم النعمة ما اكلنا منه شيء طعمه مو مقبول بإستثناء البيتزا تهون لكن كانت باررررده) اما بالنسبة للمطرب راح من وقتنا ساعتين وحنا ننتظره يغني وكل مانسأل يقولون شوي ويبدأ ولما بدأ ليته يستاهل الانتظار وفوقها يغني اغنيه ويقعد وقت طويل على مايغني الثانيه يعني تقريبا سمعنا منه ٣ اغاني وبعدها وقف ..
ما انصح بزيارة الكافي انا ما ادري اذا تغير او لا لكن حدسي يقول انه باقي خايس
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
