كافيه لذة الحياة بجدة الكوفي جميل ، نوعية الشوكولاتة اللي عندهم بلجيكية فاخرة و لذيييييذه عندهم منيو كبير و منوع من المشروبات الساخنة و الباردة و كريب و وافل و كومبير التركي و تشكيلة من الحلى ،،،، يوجد لديهم قسم للافراد و قسم للعائلات مع و جود بارتيشن
الأسم :كافيه لذة الحياة- Life’s Café
التصنيف : عوائل – أفراد
النوع : كافيه
الاسعار : متوسطة إلى مرتفعة
الاطفال : مسموح
بارتشن: يوجد
الموسيقى : يوجد
أوقات العمل : 2PM–2AM
خرائط جوجل: للدخول الى الكافيه عبر خرائط جوجل اضغط هنا
عنوان كافيه لذة الحياة بجدة
شارع حراء، حي الزهراء، جدة
رقم كافيه لذة الحياة بجدة
+966 56 266 2511
افضل ما يقدمه الكافيه
حبيييييت الكافية هادي والاصناف اللي عندهم لذيذة ومتنوعه الخدمة المقدمة 5/5 النظافة 5/5 الاسعار 5/5 اجواء الكافية رايقه والموظفه جدا ذوق في تعاملها مع العملاء الله يسعدها وكذالك الموظفين جدا متعاونين ولطيفين .. انصح بزيارة الكافية واكيد حكرر الزيارة لهم تاني 👍🏻❤️ طلباتي: دلة قهوة عربي بـ25 كريب فوتوتشيني لذة الحياة بـ45 وبصراحة الطبق كبير جدا بالراحة يكفي 3 اشخاص والطعم من الاخر 👌🏻..
منيو كافيه لذة الحياة
هل تحبو الشكولاته ؟!😍
.تقيم ومشاركة
لذة الحياة …
عنوانهم بشارع حراء بااتجاه الغرب قبل تقاطع طريق الملك…
كافيه متخصص بتقديم الحلى والمشروبات والكومبير…
الكومبير ( بطاطس مشوية ) اكلة مشهورة بتركيا وخصوصا بمنطقة ارتاكوي بااسطنبول عبارة عن بطاطس مشوية وفيها حشوات مختلفة من اختياركم…
سعر الطبق ١٤ ريال يعتبر هو الطبق الوحيد المالح عندهم وشيء جدا جمييل 👌🏻😍
.
الحلى خيارات كتيرة طلباتي :
.
سلطة اللذة ب ٢٢ ريال سلطة فواكة داخل الاناناس
كاسة الحياة ب ١٤ ريال
كاسة الباستشيو ب ١٤ ريال
كريزي كريب ب ٣٤ ريال
حلى السطل شوكليت ب ١٤ ريال
المشروبات :
قهوة عربي دلة ب ١٥ ريال
العصير بيقدمو بطريقة جميلة اما بالكاسة او الكيس بطريقة زمااان حتى طريقة التقديم جميلة
العصيرات طازجة الكيس ب ١٤ ريال
ايس لاتيه حلوى بقر ب ١٧ ريال
ايس لاتيه بستاشيو ب ١٧ ريال
بشكل عام الطلبات تعتبر ممتازة والمنيو منوع بالنسبة للخدمة تتأخر بعض الشيء ولكن الطلبات تحضر بنفس الوقت عشان كذا تاخد شوية وقت..
.
.
الكافي جميل ورايق للافراد والعوائل وعندهم بارتشين…
والاسعار تعتبر ممتازة…
.
.
وشكرا نراكم في تقرير اخر…
اراء المتابعين
التقرير الأول
الاسعار طيبة الحلى عادي شكله احلى من طعمه المشروبات الباردة الموهيتو الازرق زيادة السيروب جعلته مشروب اطفال مشروب شوكلت سيء مشروب النوتيلا حلو اعجب ولدي المكان حلو صراحة بس الميوزيك عالي جدا
التقرير الثاني
المكان شرح مع انه صغير دورين الحلا عندهم عبارة عن كريب وافل وبعض الحلويات شوفو حسابهم في الانستغرام الحلى لذيذ وكمان القهوة مزبوطه اااسعار مرة معقوله اخدما ٢ قهوة تركي وكريب بالفواكه 59 ريال مهتمين بالنظافة في موسيقى بصوت عالي الي يحب الهدوء ممكن ينزعج عندهم عصيرات فكرتها في عبوات واكياس لكن الاكياس سعرها مبالغ ٢٢ ريال الي ماخلاني اعطيهم 5 نجوم حاطين موظفه على الكاشير جديده مو مدربه ولا تعرف الاسعار ولا اسماء الطلب ولا المكونات تقولك روح اسال الموظفين وكمان الموظفين طول الوقت متوترين الواضح مافي تنظيم اداري يعني مالومهم حرام بس انا جلست اسال كيف اطلب قالو روحي الكاشير اروج لاكاشير تقولي ماعرف الطلب روحي اساليهم وتعالي اسجلك فاتورة جلسنا جانا الطلب مرتين غلط ولا حاطين مناديل على الطاولات وانا كل شويه اطلب الموظف الي يسوي الطلبات المفروض اما في ويتر يساعدنا او يحط صاحب المكان ركن للمناديل السكر الملاعق نخدم نفسنا الي لاحظتو حاط الباريستا فوق الدور الثاني كل التركيز مع ذلك المسؤول او صاحب المكان كان حريص على خدمه الزبون بس مافي تنظيم نزلت منزعجه وقلت ماراح ارجع بس راح ارجع اعطيتهم عذر يمكن يفتقدو الخبرة اتمنى ياخد بكل الملاحظات من الناس لان المكان جميل بس المسؤول كان معصب على الموطفين وصوتو مرتفع وترهم للامانه عنده موظفين بشوشين اتمنى الزيارة الثانيه ماتكون في دي الملاحظات
التقرير الثالث
كانت تجربتي الأولى له وتفاجأت برغم صغر مساحه المكان الا انه يوفر منطقه للرسم على وجوه الاطفال وادخال السرور عليهم ☺️ كما ان الأصناف التي يقدموها لذيذه 😋😋حيث تذوقت نفس الأصناف بإمكان أخرى ولكنه يفوز بالطعم وطريقه التقديم 👏🏻👏🏻👏🏻 ولكن لدي ملاحظه هامه جدا اتمنى ان تصل لملاك المطعم او من يهتم بإدارته حيث ان الدور الثاني درابزين السلالم خطر جدا للاطفال حيث ان يتحرك وخفيف بالإضافة انه يوجد مسافة كبيره بين الخطوط ممكن لا قدر الله ان يسقط طفل من عليه على الدرج ارجوا تغييره أو أضافه بلاستيك شفاف مقوى على السلالم كالزجاج من المحلات المتخصصة بهذا الشأن
