مطعم اسيان في جدة أفضل مطعم اندنوسي في المملكة العربية السعودية طعمه جيد و سعره جيد و اتحداك تجي المطعم تلاقيه فاضي، يوجد بارتشن الخصوصيه جدا مكان مميز 👌🏼👌🏼👌🏼
طرفة بن العبد، حي، جدة
+966 55 610 1536
طلبت صحن مشكل كبير وسمبل لوز وبطاطس شيبس باللوز كل شيء جاء ممتاز للغاية فقط وما شاء الله المحل زحمة يفضل اذا تبغى تطلب سفري تتصل يجهزوا لك الطلب… فيه جلسات داخلية بس تحسهم كأنهم مخفينها اللي جاي اول مرة يشوف كأنه مافيه محلي
مساء الخير ✨
امس نزلت بوست عن افضل محل جاوي ومن فين تحبو تاكلوه لقيت ماشاء الله تفاعل جميل 😍🔥👌🏼
زيارتي اليوم لمطعم اسيان مو اول مره زيارتي اليوم بالنسبه ليا فوق المعتاد من لذة اكل المطعم دا وجودته ماشاء الله اخلاق صاحبة المطعم فوق الوصف تعاملها راقي ودا شي معروف عند الناس كلها
المطعم صغير شباب واذا في عائله تبغى تجلس فيه بارتيشن
طلبنا/جاوي مشكل 🔥😍😭لذيذ ونكهة جاوي زمان فيه سعر المشكل ب٢٤ ريال وطبعا في كبير وفيه صغير👌🏼
طلبنا ساتي دجاج لذيييذ وسعره ١٢ ريال
ساتي لحم اللحم مستوي ومافيه عضه قاسيه🙈😅كيفني في الوصف بس سعره١٥ريال
طلبنا /ساتي جمبري لذيذ اول مره ادوقه عندها وعجبني🔥🍤سعره٢٠ريال
طلبنا /قادو قادو كمان لذيذ مع صوص الفول السوداني كلام كبير😍👌🏼سعره١٢ ريال
المطعم زي ماقلتلكم مو اول مره اذوقه واتمنى الكل يذوقه ويعطيني رايه😍
تقييمي لمطعم أسيان للمأكولات الإندونيسية
موقعه : في شارع عبد العزيز بن ابراهيم بعد سوق المرجان ( السوريين ) سابقاً.
الطلب: صحن مشكل كبير ب٣٠ ريال ، الكمية تكفي ٣ أشخاص التقييم : كل صنف طعمه خطير و كشنته و بهاراته مضبوطة ، اللحم ما فيه زهامة و طعمه لذيذ و الخضار و الفاصوليا طعمهم خطير و الكفتة مع السمبل و لا أروع ، الدندن يفتقد للقرمشة ، أما الدجاج فتختار إما الحار أو العادي و ما يمديك تختارهم الاثنين . أفضل الحار طعمه ألذ ، السمبل لا يمكنك الاستغناء عنه لكنه حار جدا، الشوربة لذيذة لكن ينقصها الخضار و أحيانا تكون ملوحتها زايدة . التقييم بشكل عام : ١٠/٩ . الإيجابيات : صاحبة المطعم متواجدة في المحل و تشرف على العمل و هذا الشيء يخلي مستوى المطعم ثابت ، السعر مقابل الكمية جدا مناسب ، نظافة المحل . السلبيات : صغر المحل و عدم وجود مكان للعوائل ، استخدام بلاستيك غير مخصص للأكل الساخن . و أخيرا ، يستحق المطعم التجربة و أشوف إنه واحد من أفضل المطاعم الإندونيسية من وجهة نظري
انا ما جربت المطعم ان شاء الله رايحه اجربه فاقرب فرصه بس حبيت امر والقي تحية لام عبد العزيز صاحبة المطعم والي انا ما اعرفها . بس عجبني ثناء الناس على مطعمها ومراعاتها للاسعار وخلو اسعارها من جشع وطمع تجار هذي اليومين واقلها بالتوفيق لك انتي نموذج جميل وفخر لبنات بلدي 👋❤️
بصراحة الاكل لذيذ ، وجودة الاكل ممتازة . طلبت صحن مشكل بدون رز. مع ناسي قورنق خضار.
كل الي بالصحن يتاكل كل شي له نكهته
من افضل مطاعم الجاوي ..نظافة ولذاذة واحنا من عملاء المطعم باستمرار.. لكن للأسف اخر مرتين طلبنا كان الصحن المشكل يحتوي على كفتة واحدة بس! بالرغم ان الصحن كان بالسابق يتوفر فيه حبتين كفتة ..وكمان كان فيه ميزة ان المشكل الوسط تطلب الرز خارجي ..الان مافي غير رز داخلي وقليل ..أتمنى تحافظون على مستواكم الأول
ماشاءالله اش اقول واش اخلي الاكل روعة وصاحبة المطعم اروع قمة بالذوق والاخلاق ربي يباركلها برزقها جيت من مكه وقلت اجرب المطعم وماتندمت ابدا ❤️
.
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
