مطعم اشار في جدة مطعم اكلات هندية، اكلهم لذيذ، اسعارهم من متوسط واعلى، يمديكم تتحكموا بدرجة حرارة الفلفل بالاكل قليل او متوسط او كثير على حسب رغبتكم 😋😋❤️
الإسم : مطعم اشار Asha’s l
التصنيف : مؤكلات هندية
النوع : عائلات| افراد
الأسعار : مرتفعه
الأطفال : مناسب
بارتشن: يوجد
الموسيقى : لا يوجد
أوقات العمل : 12PM–2AM
خرائط جوجل: للدخول الى المطعم عبر خرائط جوجل اضغط هنا
المطاعم المختصة بتقديم الأكل البخاري قليلة في جدة و هذا أحدثهم و تقييم وصلنا من متابعة فضلت عدم ذكر حسابها
السلام عليكم – في الغالب انا متابعه بصمت ومالي مشاركات لكن لقيت دي فرصه ليا اني اتميز بتغطيه مطعم جديد و فريد
مطعم اشاز في ابحر الشماليه مقابل بيتوتي المختص بالاكل البخاري. هذه ثاني زياره ليا و ماشالله محافظين ع الطعم الراااائع
يميز المطعم انو من جد اكل بخاري على اصول كأني قاعده اكل من يد ستي و جدتي و امي 😋😋😋 طلباتنا كانت
١- منتو (ممتاااز و نفس شغل البيت اللحمه موزونه مع البصل والبهارات) ١٠/١٠ ممكن بس كانت العجينه سميكه شويه
٢- الفرموزه (يسموها صمصمو) كانت اكثر من رائعه –
٢- الفرموزه (يسموها صمصمو) كانت اكثر من رائعه – هشه و مقرمشه و لحمتها محبوكه ٢٠/١٠
٣- رز دجاج اشبز (طبعاً عندهم نوعين رز اشبز و عادي الفرق اضافات) ماشالله الرز مره ممتاز و تحسه شغل بيت و مرتب و متكلفين فيه صراحه ٩/١٠
٤- اللغمن (مكرونه بخاريه) وهذه الي خلتني اجي عندهم صراحه لانها ادمان و ماشالله ماتنقص عن باقي الاكلات اقيمها ٩/١٠
بالنسبه للاسعار اسعارهم مقارنه ببعض المطاعم الي تقدم نفس الاكلات معقوله و مقارنه بالجوده و الطعم جداً ممتازه احنا نفرين طلع حسابنا ١٠٨ ريال و طلبنا ٤ اصناف
منيو مطعم اشار
تقيمي للمطعم الديكور قديم وما فيه تجديد ريحة المطعم اكل . فيه بارتشن الطلبات كانت دجاج ب الزبدة ب ٥٢ نان ب الزبدة ٦ برياني دجاج ٣٨ مسالا فرايز ٢٣ ما انصحكم تطلبوها وكمان طلبنا دجاج ٦٥ بس ما افتكر سعره الاكل بشكل عام لذيذ والاطباق حجمها حلو وكبير تعامل الموظفين ممتاز بس لو يهتمون شوي ب الديكور راح يكون افضل عموما المطعم بشكل عام جيد ب العافية مقدما
اراء المتابعين
التقرير الأول
المطعم بشكل عام جيد جدا طلبت من عندهم برياني تقيمه ١٠ من ١٠ طعم ورهيب ودجاج بالزبده تقيمي ٥ من ١٠ حقيقي انصدمت مهو زي المطاعم الثانيه عندهم جلسات عائلية حلوه وفي بارتشن مشكلتهم يتاخروا بتجهيز الاكل تقريبا ٢٠ دقيقه واحنا نستنى الاكل
التقرير الثاني
من الافضل المطاعم الهنديه اللي زرتها في جده الاكل لذيذ والنظاقه ممتازه والعاملين من السعودين والاجانب اخلاقهم عاليه أتمنى لهم التوفيق ويرحعون عرض الغداء سابقا
التقرير الثالث
كان لي زياره للمطعم قبل شهر وكان الخدمه متوسطه ومره زعلت لأن كان لي تجارب من قبل وكان لذيذ ورجعت لهم مره ثانيه وكانت التجربه جداً ممتازه وتغيير في نكهة الأكل ولذذذيذ انصحكم بدجاج تكا ودجاج بالزبدة ورز البرياني ونان الزبدة مرره كانت نكهات الايدامات لذيذه وحار الاسعار تعتبر من متوسط لمرتفعه
التقرير الرابع
ما شاء الله تبارك الله من افضل المطاعم الهنديه اللي زرتها نظافه اكل لذيذ والتعامل جدا ممتاز وشكر خاص للاخ محمد صلاح علي طيب اخلاقه وكرمه وتعامله اسال الله له التوفيق
التقرير الخامس
افضل مطعم هندي جربته الى الان .. ممكن هذه الزيارة الخامسه بالعائله .. اكلهم لذيذ حقيقه والموظفين ع قدر عالي من الادب والاخلاق .. الكاشيرة انسانه محترمه جدا وتحرجك بالتعامل .. اتمنى لهم التوفيق دائما وابدا .. ملاحظه بسيطه .. في التكييف واتوقع تنحل الايام الجاية
التقرير السادس
كانت زيارتي للمطعم وقت الغدا وكان عندهم عرض فنان ب ٤٩ تختار بين شوربه اوسلطه + دجاج ٦٥ او مسالا او دجاج بالزبده + رز + خبز نان ساده + مشروب + حلى الاكل بشكل عام جيد والخدمه ممتازه الله يعطيهم العافيه بس اقتراح ياليت يجددو الديكور ويوسعو الشبابيك فوق تعطي شراحه للمكان لان المكان اصلا صغير
