مطعم دبس الرمان جدة (الاسعار +المنيو +الموقع)

مطعم دبس الرمان جدة  بصراحة موقع مميز وشغل نظيف جدا جدا جدا جدا جدا وجودة عالية وطعم يجنن…. والشيف… متفاهم. وفي منتهي الادب والاحترام…. انصح الجميع بزيارتهم…. وصدقوني انكم الكسبانين… بيتزا. وفطائر… رووووووعة ❤️

• الأسم : مطعم دبس الرمان –
• التصنيف : عوائل – أفراد
•  النوع : مطعم
•  الاسعار : مناسبة
•  الاطفال : مسموح
• بارتشن: لا يوجد
• الموسيقى :  لا يوجد
• ‏أوقات العمل : 11AM–12AM
• خرائط جوجل: للدخول الى المطعم عبر خرائط جوجل  اضغط هنا

عنوان مطعم دبس الرمان جدة

قريش، حي السلامة, جدة

افضل اطباق المطعم

اول مرة اجربه و طلبت بيتزا وسط دجاج باربكيو ( ٦/١٠) ب ٢٦ ريال العجينة طيبة بس الدجاج ناشف و مايحمس تخلص من البيتزا. الطلب الثاني كان شرمب دبس الرمان ساندوتش ب١٠ ريال

عبارة عن خبز اكثر شي الين ماتطفش من العض. طبعاً لانها اول مرة فطلبت الطلبات اللي الناس مدحوها في التعليقات. اتوقع لو كان طلبت بيتزا جبن عادي كان حيكون الذ بكثير. المواقف صعبة خاصة بعد العشا – المكان يكون فيه زحام شديد بسبب اليوتيرن. العاملين جداً محترمين و مرحبين بشكل جميل. المكان نظيف و فيه اهتمام بكل شي.

اراء المتابعين

التقرير الأول 

هذا المطعم رحناله قبل الافتتاح وجربنا أغلب الأطباق ورجعتنا الأخيرة له كانت قبل كم يوم وجربنا نفس الأطباق و أهنيهم بصراحة على الجودة والشغل اللي بيقدموه –
–

كنا ٨ أشخاص و طلباتنا كانت كالتالي

حمص بدبس الرمان : سلس و جميل و خفيف و دبس الرمان معطيه نكهة جميلة و متماسك
سعر الطبق: ١٠ ريال

متبل بدبس الرمان : أنا من الناس اللي ما أحب المتبل والباذنجان بأنواعه بس هنا حبيته لأنك ما تحس إنو في نكهة طاغية و غير كذا كمان دبس الرمان مسوي شغله
سعر الطبق: ١٠ ريال

شاورما دجاج فرط : شاورمتهم على الطريقة اللبنانية الأصيلة وتتبيلة جميلة و لذيذة وتستحق التجربة
–
سعر الطبق: ٢٠ ريال

كبدة دجاج : يالله ،، هذا الطبق يخليك تعيش في عالم نكهات جميلة بالذات مع دبس الرمان اللي كان عليه شيء لذييييذ
سعر الطبق: ٩ ريال
–

فاهيتا الدجاج : نكهات متوازنة و طبق خفيف وجيد
سعر الطبق: ٢٢ ريال

فاهيتا اللحم : ماناسبني كثير زي الدجاج بس ناسب اللي كانوا معانا في الجلسة
سعر الطبق: ٢٢ ريال
–
دجاج بالثوم و الكريمة : هذا الطبق لمحبي الثوم ومتأكد راح يعجبهم ،، حسيته نفس الفاهيتا بس حط ثوم و كريمة
سعر الطبق: ٢٢ ريال

أجنحة دجاج بافلو بدبس الرمان : نكهة غريبة لمن يمتزج صوص البافلو الحار بدبس الرمان يعطيك إحساس ثاني
سعر الطبق: ١٨ ريال –
–

المطعم يستحق الزيارة و عيبه إنه صغير والجلسات محدودة وماعنده جلسات عوائل
نتمنى إنه يكبر و يفتح فرع أكبر يسع كل الزباين
وعندهم خدمة توصيل كمان –
–

التقرير الثاني

من افضل محلات المناقيش جربت عندهم منوقشة لحم مع الجبن و صوص مع الجبن و جبنة العكاوي الطعم اكثر من رائع 👍 وحجم المناقيش جداً مناسب يعيبهم كثرة الانتظار الافضل انك تتصل قبل ما تجي

التقرير الثالث

الطعم جيد … بس الاسعار اصبح مبالغ فيها بشكل غير طبيعي وابسط حاجه هو الزعتر قيمته 8 ريال وهو في كل الاماكن لا يتجاوز 5 ريال

التقرير الرابع

التقرير الخامس

المناقيش طيبه العجينه: السماكه الصح ومخبوزة صح، العيب الوحيد انو ما عندو تنوع بخيارات المناقيش ويا ريت يستخدم جبنه عكاوي.سندويش السجق ممتاز، سندويش الفرانسيسكو لا بأس في لكن السجق اطيب

التقرير السادس

طلبت اكثر شي قالو عنه لذيذ في التعليقات(ساندوتش لحم بدبس الرمان +جبنه عكاوي + بيتزا ) وطلع سيئ بمعنى الكلمه الله يكرم النعمه بس البيتزا تمشي حالها بس باقي الأكل والله مره سيئ ماانصح احد فيه

التقرير السابع

كنت أبغى طلبي المعتاد دائما من محلات المناقيش المشهورة ومن ضمنه كيري وموزريلا ، فقال لي في عكاوي وموزريلا ، وكانت👎 ذا غير إن كل المناقيش مسكرينها بالكامل يطبقوها من النص والمفروض في أصناف تكون حشوتها باينة من فوق ومحمرة بالنار