مطعم نيويورك بيتزا جدة هو مطعم يقدم الوجبات السريعة مثل الفرايز وكذلك النقانق يقدمون أفضل البطاطس المقلية اسعار مناسبة خصوصا فرعهم في عزيز مول يستحق الزيارة 👍❤️
Amir sultan Street and Street
+966 56 445 5567
طيب ياحبايب بإذن الله حقلكم رأيي الشخصي واللي كانوا معايا في زيارتنا لمطعم نيويورك بيتزا
واحد من المطاعم الحديثة والجديدة على الساحة وأتوقعلها بإذن الله النجاح
إذا أستمروا بهذا الطعم الرائع والإبداع
على العموم نخش في الجد
طلبتنا كانت:
من الأشياء الجميلة واللي بدأت تنتشر في مطاعم البيتزا انه البيتزا الوحدة بإمكانك إختيار نوعين من الحشوات
طلبنا واحد بيتزا
بالتاكوز
طبعاً كلنا نعرف التاكوز وهو أحد الأطباق
المكسيكية ولكن الغريب أنه معمول بيتزا
بصراحة كانت مميزة وطعمها جميل
ومختلف
سعرها الوسط ب٣٤﷼ حجم عائلي ب٤٤﷼
__________________
بيتزا مارجريتا
أنا بصراحة من.عشاق المارجريتا
الصلصة. عندهم جميلة وموزونة
والجبنة نوعيتها ممتازة
سعرها وسط ب٢٦﷼ العائلي ب٣٤﷼
__________________
وطلبنا كمان
بيتزا ببروني
سعرها الوسط ٢٨﷼ العائلي ب٣٦﷼
__________________
بيتزا الخضار
عندهم مميزة السبانخ معطيتها طعم
جميل ومختلف مع تشكيلة الخضار الطازجة
سعرها الحجم الكبير ب٣٤﷼ العائلي ب٤٤﷼
__________________
نجي ياحبايب للباستا
طلبنا فتوتشيني ألفريدو بالجمبري
للأسف مانسبتني وهناك الأفضل
سعرها ٣٨﷼
__________________
إسباقتي بكرات اللحم
هذي بصراحة عشق كمية صلصة الطماطم موزونة ومهي زائدة اللحمة جميلة ومهي مزفرة سعرها ب٢٦﷼
__________________
وطلبنا واحد مكرونة زيتي بالطماطم
جميلة ونكهتها قوية أقرب للنكهة الشرقية
سعرها ٢٠﷼
___________________________________
وبس ياحبايب هذا كان تقييمي لمطعم
نيويورك بيتزا
أنصحكم بزيارته
والسعر رخيص بالنسبة للمنافسين
الخدمة جميلة
افضل بيتزا وباستا في جده وعندهم سرعه في أداء الاوردر ومن تجربتي انصح الجميع بزياره نيويورك بيتزا واحترام من العمال ما شاء الله تبارك الله 💚 بالتوفيق لكم وشكرا نيويورك بيتزا علي اجمل بيتزا وباستا في السعوديه وتحدي 💪💯
ماشاءالله البيتزا جدًا لذيذه وكبيره عن نفسي انا قطعه وحده تكفيني جربت المارجريتا والرانش مرره حلوه جربوها اسعاره مناسبه اعيد تجربتي فيه
اول زيارة ليا وراح تكون الاخيره للاسف خلينا نأخذ الشي الايجابي في البداية و بعدها عندي كم نقطة كانت سلبية 1- موقع المحل كان مميز 2- ديكور المحل كان ممتاز 3- السرعة في التحضير كان جيد جدا بخصوص لنقاط السلبية راح اتكلم عليها وانا ادري اذ شافها المالك ممكن راح يغير فيها اكيد للاحسن 1- اول شي خليني اتكلم عن السعر للاسف كان مبالغ فيه انا طلبت بيتزا صغيره خضار كانت بي 31 ريال وللاسف طعمها كان جدا عادي وفي اماكن ثانية اقل من كذا بكثير و اطعم وايضا طلبت بيتزا وسط نصها كانت استيك لحم ونصها كانت مارغريتا وسعرها 50 ريال انا بالنسبة ليا البيتزا ما ادفع فيها السعر هذه بس قلت يمكن الطعم مقابل السعر وللاسف ما شفت الشي هذه والكميه ما تهمني كثر ما تهمني النكهات و الطعم . 2- ثاني شي ما قدرت اكمل الاكل بخصوص الزيت اللي فيه غرقان زيت للاسف انا ما قد شفت كمية زيت بالشكل هذه في بيتزا للامانه . 3- اتمنى انكم تطالعون في الاسعار و تعدلوها شوية . 4- ياريت موظف الكاشير يكون عنده شوية طولت بال واضح انه يبغى يأخذ طلبك وبس مع انه ما كان في زحمة ابدا ويفضل يكون عربي علشان يشرحلك اكثر عن انواع البيتزا وطريقتها 5- اتمنى لكم التوفيق واذ زرتكم المره الجاية ان شاءالله تكون الاسعار تعدلت وكمية الزيت تكون اقل من كذا بكثير وشكرا
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
