مطعم ثري اجز جدة ( الاسعار + المنيو + الموقع )

نشر في: 5 سبتمبر، 2021
بواسطة: ELMASRY

مطعم ثري اجز جدة او تجربه للمحل قد يظن البعض انه فقط ساندوتش بيض و سعره غالي لكن تجربه رائعه طلبت البوكس حقهم و ترافل و كلاسيك و هوت دوغ بصراحة يستحق كل هلله دفعتها العيش اكثر من رائع كانه قطن و محمص بالزبده شي خرافي جوده عاليه جدا فعلا ابدعو في العيش البيض مطبوخ باحتراف و ماهو مستوي زياده ( زي الكريمه طري جدا) ساندوتش الترافل يا رباااااااه يستاهل المشوار و السعر طري و طعم الترافل واضح و حجم السندوتش جدا ممتاز و العيش يااااااالهي ما يتوصف الهوت دوغ لاباس به الكلاسيك ممتاز بالتوست المحمص الهاش براوني لاباس و مقرمش بصراحة ٩/ ١٠ السعر٨ /١٠ موظفين بشوشين و المحل صغير ومحندق وخدمتهم وقتها جيد لانه كل شي طازة

الاسم:مطعم ثري اجز جدة
التصنيف : عائلات – افراد
النوع : مطعم
الأسعار: متوسطة
الأطفال :مناسب
الموسيقى: لا يوجد
مواعيد العمل: ٦:٠٠ص–١١:٤٠م
الموقع الإلكتروني للمطعم: للدخول للموقع الإلكتروني للمطعم اضغط هنا
الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم ثري اجز جدة

2762 6900 البترجي Box Park center

رقم مطعم ثري اجز جدة

966920022193+

أفضل اطباق المطعم

ساندويتش ثري ايجز واضفت عليه الافوكادو والبيكن ( سكرامبلد) : كان جدا لذيذ والقضمة soft و تذوب في الفم … تناغم النكهات رهيب

منيو مطعم ثري اجز جدة

تقارير المتابعين للمطعم:

التقرير الأول:

الخدمة: الستاف بشووًًووش مرة ويساعدك و جابو الطلب خلال ١٠ دقايق … اللي اخذت مننا الطلب كانت رهيبة واعطتنا خبر انه عندهم مسابقة عالانستقرام عموما لو حاعيد التجربة اكيد بتكون في فرع ابحر ان شالله وياليت لو يراجعوا اسعارهم … بالتوفيق يارب

التقرير الثاني:

طلبنا كان بتاريخ 9/12/2020 بصراحه الاكل لذيذ جدا المطعم يقدم بيض بطريقه مختلفه نوعا ما في التقديم تاكل ماتحس بالزفارة المعتادة في البيض وطلبنا كان عبارة عن (ساندوتش 3egees – وتركي ساندوتش – وروكا ساندوتش – وتوستي ساندوتش – وهاش براون مع البيض) جميع الطلبات لذيذة ومافيها ملاحظات من ناحية الطعم والنضج ، الملاحظة الوحيدة (ساندوتش الروكا وصل بارد ) ولا اعتقد انه برد من مسافة الطريق لان هوا الوحيد اللي درجة حرارته مختلفه عن باقي الطلب اتمنى انهم يحافظوا على مستواهم ويجتهدوا على التطوير للافضل وما يتراجعو للخلف زي ما بيحصل باغلب مطاعمنا ، و يحرصوا على وصول الطلبات للعملاء بشكل صحيح ومرضي .

التقرير الثالث:

موقع الفرع جدا جميل وبسهولة حصلنا موقف ولكن المحل مررررة ضيق واشوف انه ما ينفع للاطفال نظرا لحركتهم : مستحيل تطبق التباعد الاجتماعي في محل بهذه المساحة الدرج مزعج بشكل يخليك تمشي على طرف اصباعك الطاولات والكراسي مش لايقين على بعض : الطاولة اقصر من المقاعدً الاسمنتيه وغير مريحة ابدا والجلسات الثابتة ماتناسب كل الاحجام وغير مريحة اضطرينا نغير مكاننا مرتين عشان نرتاح في الجلسه واخر شي فضلنا نجلس عالكراسي الملونة

التقرير الرابع:

التقييم لجودة الطعام والتغليف فقط بما أنه توصيل. التغليف: أقيمه ٥ نجوم جدا نظيف ومرتب، غير كذا عملي وما يسبب لك فوضى وتضمن الأكل يوصل لك ساخن وطيب. معه مناديل عادية ومعطرة 👍 الطعم: الهاش براون – ماشي، ما ادري إذا كان مخلوط معه فتات خبز بس طعمه ok، بالطبع في ألذ منه بجدة. طعمه يتحسن مع الصوص الجانبي. برجر بيكن أند ايج – ما احب خبز البريوش جدا حالي وهذا واضح في الوجبة ذي. البيض المخفوق عادي والصلصة زادت من حلاوة البرقر. يمكن في ناس تحب الاكل المحلى، بس مو مفضل لدي. البيكن لذيذ. السعر: السعر غالي شوي على جودة وكمية الطعام، خصوصا أنه مو مرفق معه طبق جانبي أو مشروب يبرر أي سعر فوق ٢٠ ريال. الهاش براون سعرها ممتاز لا يغيرونه.