مطعم حمص ريفي جدة يقدم مأكولات و مقبلات شامية و كذالك الساندويش، المكان نظيف و ديكورة جيد جداً الخدمة جيدة قائمة الاسعار موجودة في الصور 👍❤️
هذا الفرع عنوانه: طريق الامير متعب بن عبدالعزيز، الصفا، جدة
لهم فرع ثاني في: Sari St، الروضة، جدة
الفرع الثالث: سوبرماركت الدانوب، شارع البريدي – جانب، جدة
+966 12 678 4411
المطعم يفوز في الفطور تحديدا.. عندهم تشكيلة جيدة من الاطباق في تقديم الاطباق الشامية .. من الاطباق اللذيذة: الطعمية حلوم ريفي كبدة فتة حمص باللبن الفول البيض فطائر ——
المطعم جميل وأنيق ، رغم قلة الحركات الديكورية فيه إلا أنها جميلة ورائعة بألوانها وبساطتها وتناسقها، الأرضية مع الطاولات والكراسي مع الجدران والصور المنتشرة داخل المكان، كله معمول بشكل رائع ، الأكل لذيذ ومنيو متنوع وأسعار معقولة والأهم هو الحرص على النظافة والسلامة بشكل متكرر داخل المحل ، الخبز ساخن ، أسمر وأبيض ، الطاولة عليها السيرفس كامل ، اقدر أقول عليه ( إحترافية ببساطة)، شخصياً أفضل أفطر هنا بين فترة وفترة ، يستحق الزيارة ، وبالتوفيق للجميع 🙏🌹
المكان عادي ونظيف والأكل لذيذ
كان الفطور لشخصين طلبنا :
حمص ريفي
فول ريفي
فلافل صحن صغير
ثلاثه شاي بالعناع
أهم شي طلعت الفاتوره 40 ريال??
.
كانت مفاجئه أسعاره جدا حلوه
تجربة كانت مليئة بالمفاجآت لمكان كنت أبغا أروحه من زمان
جربت الآتي
طعمية ( فلافل ) : يا رباه على الطعمية حتى بعد ما بدرت حافظت على قرمشتها ،، لذيذة و طعمها ممتاز و مطبوخ بزيت الزيتون ،، هذه هي الطعمية اللي أحبها بكل أمانة غير كذا إنهم يقدموا معاها حُمر و طحينة تعطيك نكهة ثانية جميلة
السعر: 10 ريال للحجم الكبير
حمص ريفس : طعمه جميل و حبيته بس حسيته قوامه خفيف والمفروض يكون أفضل بحكم إنه جاي على اسم المحل
السعر: 12 ريال للحجم الكبير
حمص بيروتي: هنا الحمص المزبوط اللي عجبني ،، طعم و شكل و نكهة كله كان تمام و موزون
السعر: 13 ريال للحجم الكبير
حمص بالبسطرمة: طبق جديد و غريب للي يحبوا البسطرمة ،، أنا شخصيا ما أحب البسطرمة بس أخذت لقمة شفت اختلاف النكهات اللي تاخذك مدري لفين
السعر: 18 ريال
جبنة حلوم: مدري كم قطعة بس صحن صغير محمر في الفرن طعمه جيد بسبب رشة الزعتر اللي فوق الجبنة
السعر: 18 ريال
فول ملوكي: جميل جدا و حبيت طعمه و لذيذ أمانة
السعر: 8 ريال
فول ريفي: هذا الطبق خيب ظني وما عحبني ،، عادي جدا
السعر: 8 ريال
فتة حمص: شكل الطبق جميل بس الطعم كمان عادي خسيته ناقص نكهة ،، لمن حكيت البهارات الموجودة ع الطاولة ( الدقة ) زبط الطعم شوية
السعر: 15 ريال
فتة باذنجان: أكلت منها لقمة وحدة وبحكم إني ما أحب الباذنجان فما راح أعلق عليها
السعر: 18 ريال
سلطة فتوش: سلطة كويسة ولا بأس فيها
السعر: 14 ريال
تبولة: كويسة لا بأس فيها بس مافيها أي شيء مميز عن البقية
السعر: 14 ريال
قلاية طماطم باللحم: يااه هذا الطبق مجنون ،، عجبني جدا جدا ،، طعم جميل و متناسق والكمية جيدة و أنصح فيه بأمانة
السعر: 18 ريال
كبدة ريفي: ناقصه حاجات بكل أمانة ،، بس ممكن إذا أكلناه لحاله في الصباح مع عصير البرتقال حيكون طعمه جيد
السعى: 15 ريال
عصير برتقال: هنا اللذاذة و الطعامة ،، عليهم عصير برتقال آآآه يا ناس ،، طعم جميل و لذيذ و يروي العطش
السعر: 8 ريال
عصير رمان: حسيته فريش بس مخلوط بموية ،، كطعم فهو جميل جدا ،، بس أنا حبيت البرتقال أكثر
السعر: 8 ريال
طبعا ،، صار عندهم برنامج ع الجوال تحمله
وكل ما تروح تزورهم تفتح البرنامج و ينضاف لك ختم زيارة
بعد ما تخلص 8 أختام تستحق وجبة كومبو مجانا
نشوفكم في تقرير قادم
.
مطعم نظيف والطعام جيد
ولكن الفتوش ليس جيد مبالغين بالاضافات فينزع الطعم
اقترح يكون الفتوش فقط(طماطم وخيار ونعناع وبقلة وخس وخبز مقرمش و رشة ملح وشوي دبس رمان مع زيت الزيتون)
مطعم جيد ونظيف اكل لذيذ عاملين جيدين واداره واعية اهتمام بالنظافة وجودة المنتج
اصناف متنوعة من الفلافل الشامية والشكشوكة. الاسعار مرتفعة
حقيقي من افضل الاماكن الي ممكن تفطر فيها الجو العام للمطعم حلو والاكل لذيذ عندهم اصناف متنوعة في الفطور حمص باللحمه حمص بالكبدة طعمية حلوم وغيرها في اصناف كثير بس سعر العصير البرتقال مبالغ فيه من وجهة نظري 10 ريال على الكاسة بينما لو رحت القريات جنبه على طول 7 ريال الكاسة الكبيرة
ممتاز الحمص مع الطحينية الفول باندورما رائع الشكشوكة رائع جدأ أيضا فطيرة الجبنة والسبانخ ماينشبع منها صراحة الخبز ساخن ماشاء الله
انا من عشاق حمص ريفي اكلت بيت الطعميه ما اعجبني مطعم هاشم كلام اعجبني حمص ريفي اكله نظيف و طعم فيه يعني نفس الطعميه لا يوجد فيها زيت في التحليه في صور اوريكم اياه كان يقدمون مع المخلل اما المحل الثانيه في الصفاء لا يوجد عندهم مخللات يعني الاداره وحده المطعم واحد يا ليت يهتموا شويه في الزبائن ملاحظه صغيره لازم يهتموا في نظافه الحمام وشكرا لكم قبل ما اختم معاكم ياليت صاحب المحل يشوف موضوع المجاري الله يكرمك اللي عند الباب هذا المحل في الصفاء ماباقي الا شويه تدخل المجاري الى المطعم يا ليت تهتم بالموضوع هذا لانه جدا المناسب له
لذيييذ حمص وطعميه غير عن اي مكان تاني وفتة الباذنجان انصح فيها وعلى فكره الاحجام جداااا مناسبه وتكفي اكثر من شخص
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
