مطعم شريمبلس في جدة مطعم بيقدم الاكل البحري بالاكياس المكان عبارة عن دورين جميل واسع في جلسات بالدور الثاني فيها شبه خصوصة وقت الهدوء لا يوجد بارتشن مسموح الاطفال
الاسم: مطعم شريمبلس- shrimplus
التصنيف: افراد – عوائل
النوع: مطعم
الأسعار:متوسطة اليمرتفعه
الأطفال: مسموح
الموسيقى: يوجد
أوقات العمل: 1PM–2AM
خرائط جوجل: للدخول الى المطعم عبر خرائط جوجل اضغط هنا
King Abdul Aziz Rd, AZ Zahra District, jeddah SA, جدة
رقم مطعم شريمبلس في جدة
+966 53 062 4095
افضل اطباق المطعم
الطلبات كانت:
شوربة الربيان 10/10 ⭐️
طبق شريمبلس ( منوع حبار + جمبري + سمك قاروص ) + صوصين اختياري كان صوص ( دايناميت + تارتار ) 10/9⭐️
كيس الجمبري بالنكهات + رز 10/9
الكيجن مع التوابل التايلندية
وكيجن الليمون
الاكياس لذيذة جدا ومختلفه خصوصا للي
ما يحبو نكهة الثوم الي تجي مع الكيجن بالعادة
في كل المحلات
مكان مميز انصح بزيارته
واكيد بكرر الزيارة
منيو مطعم شريمبلس
تجربة ممتازة افضل من المتوقع بكثير، الخدمة ممتازة والاكل لذيذ اكررها باذن الله. في موسيقى مسموح دخول الاطفال ممنوع التدخين جلسات داخلية فقط دورين افراد وعائلات ماعدا اوقات الذروة يصير النظام القديم في بارتشن وجلسات بستارة الخدمة ٩.٥/١٠ النظافة ٩/١٠ الاسعار متوسطة الى مرتفعة الطلبات: روبيان ٩ حبات بصوص الليمون والثوم ٩/١٠ كان لذيذ وحسيت انو طازج وما فيه زناخة والحجم عالسعر مناسب نسبيا
اراء الزوار والمتابعين
الراي الاول
والله مطعم جميل جداً جداً جداً ، أسلوب طاقم العمل والله أكثر من رائع +
الجمبري جداً لذيذ خصوصاً نكهت الكيجن مع البهارات التايلندية +
بيرة الزنجبيل النادره و الذيذه جداً + طبق مقبلات الحبار المقلي والله شئ خورااافي 😭♥️.
قسم العوائل أكثر من رائع وفيه خصوصيه جداً لوجود
البارتشن ( سواتر للجلسات ) . لكن قد يكون عليها زحمه في الويكند تحديداً .
من كل قلبي أتمنى لهم التوفيق و النجاح و أتمنى لهم التميز أكثر.
و أكثر لأنهم من جد يستاهلوووووووون ، طاقم المطعم كامل + ملاك المطعم الرائعين و الخلوقين جميعاً والله 🌿♥️.
الراي الثاني
المطعم خيااااااالي نظاااااافه والموظفين اكثر من رائعين وخدومين ..
والاكل اتعب اوصف دماااار شااااااامل من اول لقمه تصير في عالم تاني
طلبت شوربة الجمبري تااااخد العقل ممتازه جدا جداً وطلبت تشكيلة ثمار البحر بالـ
وحموضة ولزازه وطعامه وشي من الاخر .. والله من لذاذة الاكل نسيت افتح البيبسي 😂..
امس رحت و جربته وجبت لاهلي معايا .. اليوم كلهم رايحين تاني 😋🙂🤣
الراي الثالث
هذه الزياره الثالثه للمطعم من قبل كورونا وبعد كورونا الله يبعدها عنا وعنكم يارب عموما المكان كبير يحقق التباعد الاجتماعي نظيف ما اقولكم احلى شي لمن تلبس المريله والجونتي وتغوص بالاكل متعه ما بعدها متعه اهم ما يميزهم السعر وعدد الجمبري في الكيس الكبير في ٢٦ حبه ب٦٥ ريال فقط وده ماتلاقوا بالمحلات الثانيه عرضهم جبار وطوال الاسبوع ده السعر. طبعا جربنا الجمبري ٣ اكياس 🍤🍤🍤الحجم الكبير كل كيس نكهه مختلفه نكهة الكيجن ونكهة الكيجن بالثوم ونكهة الكيجن بالثوم وكريمه التايلنديه وده النوع ينفع للاطفال لانه اخف حراره من الانواع الباقيه وطلبنا ٢ رز 🍚🍚و٢ بيبسي 🥤🥤 بس للاسف نسيت اصور الاكل بس اخذت صور للمحل بعد الاكل اتركم مع بعض الصور واود شكر الاخ مروان الي نصحنا بتجربة الانواع المختلفة من جمبري الكيجن لانه بالعاده نطلب الجمبري بنكهة الكيجن بس واخص بالشكر العميق للاخ فيصل مهدي على تعاونه معنا وحسن استقباله . انصح بزياره المطعم وتجربته وسط الاسبوع لانه اخر الاسبوع زحمه ولازم حجز مسبق نصيحه حتى ما تنتظروا🚘 عندي صوره وحده من الاكل السفري الي اخذته حنزلها لكم😜 تعديل : اضافه صور من زيارتي الأولى للمطعم اخيرا لقيتها وحضيفها استمتعوا بالمشاهده
