ما اتوقعت كمية اللطافة في ديكورات المطعم يشعرك انك في الريف السويسري😍والعاملين مهذبين جدا وبشوشين وسريعين10/10 النظافة10/10 في المطعم ودورات المياة الله يكرمكم. نجي للاكل الاسعار متوسطه من افضل اسعار المطاعم في جدة والكميات وسط الى كبيرة تقييم الاسعار 10/10 الضيافة شيء لذييييييذ حأنزل صورته وخل البلسميك ابداعي10/10 الطلبات : نوعين بيتزا مارجريتا وبيتزا دجاج بيستو كلهم 10/10 البيتزا الايطاليه الحقيقية. روزيتو بالمشروم 10/10 ورق عنب خياااااااالي 10/10 بايلا paella 10/10 رافيوللي بالسبانخ 10/10 فوتتشيني دي اقل شي ماكان فيها ملح بس حطينا ملح وصارت لذيذه 7/10 أنصح بالمطعم وبشدة لعشاق الاكل الايطالي وترى المطعم يقدم اكلات عالميه منوعة حأرجع لهم كتير
مطعم رائع والمفضل جداً هادئ وعائلي وينفع مع الاطفال انبسطوا عيالي والجو العام مريح الخدمه والاستقبال رائعه وبشوشين ومحترمين والاكل لذيذ مقابل السعر والكميات حلوه طلباتنا كانت بيتزاء وفوتشيني دجاج ومشاوي مشكل طريه وخفيفه والصغار اخذو ايس كريم
الطلبات حمص بالبنجر – ورق عنب تبولة – فتوش – متبل – باباغنوج بيتزا ببروني – روزيتو ماشروم كباب باللبن – كباب بالكرز – مشاوي مشكلة – رافويلي بالسبانخ- بيناتنا ارباينا بييلا – سكالوب دجاج الحلى موس – تشيزكيك توفي – تشيزكيك توت تجربة جميلة والمنيو ماشاء الله كبير يقدمون الأطباق العالمية أعجبني كثير الروزيتو والبيتزا وكباب الكرز والحلى الموس 💛 الأسعار : ٢٠ – ٦٠ ريال
اراء المتابعين
التقرير الاول
جدا جدا جدا رائع وتعامل الموظفين مميز .. كمرضى تحسس قمح جربت البيترا الخاليه من القمح والمكرونه .. حبيت جدا ياليت تبتكرو وتبدعون في اصناف جديده خاليه من الغلوتين وتفهمون ان الغلوتين موجود ح في الصوصات وفي البهارات وفي النشا وفي الفانيليا وفي كل شي . اشكركم من قلبي حقيقي ابداع
جمممميل جدا والاكل لذيذ وتعاملهم جدددددا راقي وباالاخص نظير امين جدااااا وهمهم رضا العميل فوق كل شيء اهم شيء اكل من الاخررررررررر مره لذيذ باالاخص البايلا ومدرينوس شرمب ورافيولي سبانش والسلطة الي باالبيستو وشوربة البروكلي👍🏻👍🏻👍🏻👍🏻
طبق دجاج البيستو من #ميدرينيوس لذاذه من الآااااخر 😋المطعم جميل ورايق وتعامل الموظفين جميل جداً ويميزهم ايضاً توفير اكل خالي من الجلوتين اخذت من عندهم بيتزا وباستا وكله لذيذه 👍🏻👍🏻
المطعم تدخل وتستمتع ما ودك تطلع منه من كمية اللطافه والهدوء
التقرير الثاني
المطعم اكلو لذيذ بس تقريبا نفس طعم اكل البيت مافي نكهات غريبه الخدمة مره ممتازة والجلسات حلوه بيتزتهم لزيزة باذن الله اكرر الزيارة
المكان رايق البيتزا حلوه وعجينتها رقيقه الفوتتشيني عادي الروزيتو جيد الاسعار فوق المتوسط
المكان صغير لكن جلسة وأجواء جميلة.. الاكل لذيييذ وطريقة عرضه مغرية..
التقرير الثالث
أنصح فيه و بقوة و ربي لذيذ لذيذ كل شي راهي و يعبون الصحن اكل مزبوط و باين النظافه في العاملين و الاكل و المطبخ لاني رحت و شفت شغلهم من وراء القزاز شي فاخر و شغل لا يعلى عليه اهنى صاحب المطعم و العاملين على هالمشروع الحلو و المكان فيه راحه نفسيه و حميميه و فرح بالمناظر الورود و الموسيقى الهااااديه و اسعارهم تجننن مناسبه جدا و بحد المعقول برافو عليهم
التقرير الرابع
المطعم جميل الديكورات جميلة ومتعوب عليها لكن يعيبه ان المكان صغير وفيه ازدحام (يوجد خدمة حجز طاولة) تم طلب شوربة بوركلي لذيذة وايضا جمبري تمبورا ايضا ممتاز ولكن البطاطس اللي معاه من الجاهزة كان لأفضل ان تكون طازجة و باييلا ثمار البحر لشخص تقييم لها وسط الكميات مناسبة ممتازة الطعم رائع أطباق المعكرونة والأسماك والبيتزا لا يعلى عليها والمقبلات لذيذة
بالإضافة إلى أن لديه عروض غداء وأيضا لديه كافة الإستعداد لعمل بوفيهات مفتوحة في منازلكم أو بأي مكان لديكم مناسبة فيه
المكان جميل كأنك جالس في حديقة لكنه صغير الخدمة ممتازة الطعم رائع أطباق المعكرونة والأسماك والبيتزا لا يعلى عليها والمقبلات لذيذة
بالإضافة إلى أن لديه عروض غداء وأيضا لديه كافة الإستعداد لعمل بوفيهات مفتوحة في منازلكم أو بأي مكان لديكم مناسبة فيه
