مطعم بريوشيه في جدة المحل عبارة عن دورين بواجهة زجاجية وترتيب الموظفين وتعاملهم أكثر من رائع الفطور عندهم متنوع بين عربي وعالمي 🤓🤓❤️🍀
الكيال، الروضة، جدة
+966 56 530 0060
المكان اللطيف اللزيز .. 😍♥️ قدموا لأطفالي أوراق للتلوين وألوان، مشكورين جدًا جدًا على هذه النقطة، شغلت الأطفال في وقت انتظار الطعام .. وأسعدتهم.. ولعبنا معاهم فيها [اكس أو] .. 🤩 💖
طلباتنا كانت : معصوب: المعصوب مقدم بطريقة مختلفة عن العادة لكن لذيذ بوريتو الفطور: ساندوتش مميز فعلًا ولذيذ فرنش توست كراميل أوريجينال: طبعًا غني جدًا عن التعريف بريوش بالماسكربوني والحلاوة : جدًا جدًا رهيب ولذيذ
لكن بالنسبالي كان الحلا زايد في كل شي: المعصوب والفرنش توست والبريوش.. حلاهم زيااادة قهوة أمريكي كانت مزبوطة 🌟
المطعم جداً مرتب ونظيف! المنيو محيّر شويه لكن المضيف ساعدنا بشرح المنيو وأيضاً اقترح علينا أطباق مشهورة عندهم. مقلقل بريوشيه مايتفوت! جبّار والصوص جداً لذيذ. وكذلك الترفلز بندكت والشرمب فوتيتشيني. بالنسبة للأسعار مرتفعة حبتين 😄
فطورنا كان بمطعم بريوشيه
يوجد قسم للافراد و قسم للعائلات
طلبنا كان
معصوب ب30 ريال عادي جداً
ستيك و بيض ب80 ريال جيد نوعاً ما
فرنش توست ب35 ريال لذييييييييييذ و ممكن ارجع علشانه
2 شاي ب20 ريال .
الطلبات :
– حفلة الجمبري الملكي ٨٥ ريال
مع صلصة الأفوكادو بالمانجو وصلصة التمبورا
– تاكو الجمبري ٣٠ ريال
مع صلصة المانجو والفلفل الرومي
– سلطة الكينوا ٣٨ ريال
مع صلصة الأناناس والليمون وقطع المانجو والتفاح الأخضر
– ايس تي بالحبق ١٨ ريال
.
المجموع :
١٧١ ريال
١٧٩.٥٥ ريال مع الضريبه
.
الطعم ممتاز جداً جداً جداً لكل الطلبات خصوصاً تاكو الجمبري 👍🏻
.
الموقع :
شارع الكيال – بجوار رايس تو ريتشز
رحته الساعه ١١ ونص على اخر دوامهم كان فاضي تقريباً بس احنا و طاولتين ، المطعم جداً بسيط زي كأنه مطعم وجبات سريعه كراسي بلاستك و مافيه ديكور مميز بس الخدمه ممتازه و الويترز ودهم يخدمونك لدرجة واحد جاب كرسي لشنطتي 😹❤
الشِف حكيم باقبس اللي كان مشارك في برنامج توب شِف 👍🏼
يومياً المطعم مفتوح ماعدا الأحد اجازه
طلباتنا:
•طلبت طبق ستيك قال مومتوفر 👀
•بروسكيتا بريوشيه كانت خفيفه و طعمه تخيلتها مع كوب شاي 😋😅 | ٣٠ ريال
•تاكو شريمب “لذيذه وخفيفه نفس الشريمب طعم و فوقه صوص مانقو و تحته قطعة عيش صغيره حالي على مالح بس ممتاز و الكميه مره قليله يادوبك لقمتين 😅 | ٤٠ ريال
•بريسكت و تريو كاتسو “طبق يتكون من ٢ ميني برقر بس هي فعلياً اكبر من حجم الميني ، طلبنا واحد لحم و الثاني دجاج” اللحم مره لذيذ محمر مزبوط و فيه نكهه لذيذه 😻😋
بس الصوص مره كثير خرب على طعم اللحمه ، الدجاج مقلي سبايسي برضو لذيذ بس اللحم كان ألذ |٦٠ ريال
المطعم مرتب و متبعين الإجراءات الصحيه الجلسات مريحه و الخدمه ممتازه مناسب للاطفال عندهم كرسي اطفال و يعطوهم الوان و ورقة تلوين و البيتزا عندهم ممتازه بالنسبه للأكل تقيمي له ٤ من ٥ و المخبوزات ٥ من ٥ الاسعار تعتبر غاليه يستحق التجربه
زيارتي كانت في الويكند فطور ، كان زحمه وانتظرت قرابة ٢٠ دقيقة وتعلمت احجز قبل ما اروح .. طلبنا كان ١/ بيض مكسيكي ٨/١٠
طعم بس فيه شيء “مقمّر” ولغير الناطقين اللهجة الحجازية محروق شويه مادري ايش هوه ومع ذلك اكلناه وكنا مبسوطين ٢/ سولتد كراميل فرينش توست ١٠/١٠ لذيذ بشكل خيالي 👏🏻
من برا crust و ومكرمل و من جوه هش حاجه مررره لذيذه وعليه مكسرات ٣/بلاك كوفي انت ١٠/١٠ لذييييذه والبن اللي يستعملوه في الراس 👍🏻
الويترز كلهم خدومين واخلاق بس اخص واحد منهم السعودي اللي عند الباب النحيف ولابس نظارة طبية الله يسعده على اخلاقه الحلوه تجربة تتكرر ١٠٠٪ ولكن مع حجز
زيارتي كانت في الويكند فطور ، كان زحمه وانتظرت قرابة ٢٠ دقيقة وتعلمت احجز قبل ما اروح .. طلبنا كان ١/ بيض مكسيكي ٨
/١٠ طعم بس فيه شيء “مقمّر” ولغير الناطقين اللهجة الحجازية محروق شويه مادري ايش هوه ومع ذلك اكلناه وكنا مبسوطين ٢/ سولتد كراميل فرينش توست ١٠/١٠ لذيذ بشكل خيالي 👏🏻
من برا crust و ومكرمل و من جوه هش حاجه مررره لذيذه وعليه مكسرات ٣/بلاك كوفي انت ١٠/١٠ لذييييذه والبن اللي يستعملوه في الراس 👍🏻
الويترز كلهم خدومين واخلاق بس اخص واحد منهم السعودي اللي عند الباب النحيف ولابس نظارة طبية الله يسعده على اخلاقه الحلوه تجربة تتكرر ١٠٠٪ ولكن مع حجز
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
