مطعم البوستينو بيتزاريا جدة متخصصين بتقديم البيتزا الايطالية يقدمو 12 نوع من انواع البيتزا 🍕 الطلبات : -بيتزا ديافولا ( مرره لذيذة بس كمية البيبروني قليلة ) -بيتزا فطر مقبولة – ( الأذواق تختلف🤷🏼♂️) العجينة للأمانة مرررره طعمة والاشياء الي يستخدموها فرش وجودة 👌🏻 حبيت كرتون البيتزا كاتبين رسالة لكل عميل داخل الكرتون 📨📮 ديكور المكان جمييل ومريح وجود شجرة الزيتون في نص المطعم اعطى المكان جمالية .. تجربة جميلة وبأن الله راح تتكرر🌹🤍 📍الموقع : الخالدية – تقاطع شارع صاري مع الامير سلطان.
الاسم:مطعم البوستينو بيتزاريا جدة
التصنيف : عائلات – افراد
النوع : مطعم بيتزا
الأسعار: متوسطة
الأطفال :مناسب
الموسيقى: يوجد
مواعيد العمل:٤:٠٠م–٢:٠٠ص
الموقع الإلكتروني للمطعم: للدخول للموقع الإلكتروني للمطعم اضغط هنا
الموقع على خرائط جوجل: للوصول للمطعم عبر خرائط جوجل اضغط هنا
عنوان مطعم البوستينو بيتزاريا جدة
صاري، الخالدية، جدة
رقم مطعم البوستينو بيتزاريا جدة
966503650985+
أفضل اطباق المطعم
تجربة بدون ولا غلطة قد يكون افضل مطعم بيتزا فجدة جربت 1-ريجينا كانت احلا بداية خفيفة وصوص الطماطم حاضر فيها باحلا صورة والريحان مع الجبنة والطماطم الكرزية انعشو البيتزا واعطوها قوام مختلف 2-بستاشيو مرتديلا كنت متخوف من الطلب بس حبيت اجرب ويا الله قد ايش كانت مختلفة عن اي بيتزا طعم الفستق موجود ولكن بطريقة رهيبة طعم الثوم واضح مع المرتديلا والريحان بيتزا مختلفة تماماً و دسمة جدا 3-مارغريتا كلاسيك بيتزا مارغريتا كما يجب ان تكون 10/10 4-ديافولا بيتزا بيبروني جودة البيبروني ممتازة مرة ومطبوخ بطريقة حلوة مو ناشف 5-بيتزا الاجبان الاربعة دسمة مرة فيها نكهات مختلفة كريمية مرة وحادة 6-فيجيتيريانا عجبني طعم البيتزا وخلط الخضار ولكن العجينة صارت (soggy) رطبة بسبب الباذنجان الافضل يتقطع انحف و ينشوى لحاله اتوقع بيكون الذ بشكل عام المطعم مررررررة ممتاز العجينة خيالية الاسعار معقولة مطعم انصح فيه وبقوة
منيو مطعم البوستينو بيتزاريا جدة
تقارير المتابعين للمطعم:
التقرير الأول:
الصراحة هذي التجربة كانت الاولى ليا اول مره اكل بيتزا وانا كأني مسافر برا السعودية شي مميز للامانه و الطعم كان مختلف عن اي بيتزا تانية اكلتها في حياتي طلبت من عندهم بيتزا مارغريتا كانت خرافية و كان الصوص واضح وجميل جدا وكمان جربت شي ثاني مميز و خورافي بيتزا ترافل كانت عليها صلصة الكريمة الترفل واضحة و الشي المميز اللي كان فيها كماه ايطالية سوداء والعجينة كانت مقمرة بشكل مش طبيعي يعطيكم العافية على هذه المطعم الجميل و الاكل المميز والاسعار جدا كانت حلوة بس اللي يبغى يروح يجرب المطعم ينتظر اقل شي 40 دقيقة او 50 دقيقة بسبب الزحمة و مساحة المكان وعدد الطاولات تجربة كانت مميزة وماراح تكون الاخيرة وراح تكون في القائمة دائما في مناسباتي او الجمعات العائلية شكرا لكم 🌺
التقرير الثاني:
تجربة مميزة لواحد من اشهر المطاعم المختصة بالبيتزا، الخدمة ممتازة والاكل كان جيد جدا، اكررها عشان اجرب باقي الاصناف اكيد. في موسيقى مسموح دخول الاطفال ممنوع التدخين جلسات داخلية فقط دور واحد افراد وعائلات مافي بارتشن الخدمة ٩/١٠ النظافة ٩/١٠ الاسعار متوسطة الطلبات: بيتزا مارغريتا ٨.٥/١٠ العجينة لذيذة جدا وعلى اصولها اما بالنسبة للتغطية كانت لذيذة لكن اختياري ما كان موفق تماما لاني حسيتها عادية ومو مناسبة على السعر لكن اتوقع باقي الاصناف الذ بكثير. ملاحظة✨: هذا الرأي هو رأي شخصي فقط و”لولا اختلاف الاذواق لبارت السلع”.
التقرير الثالث:
الشباب خدومين والبيتزا لذيذة ، الشي اللي ماعجبني في المحل مافي حمام او مقفل طيب ابغا اغسل يدي كيف كذا؟ وجاية من مكة ولما سالتهم قال مافي
التقرير الرابع:
مطعم مميز في البيتزا فقط وخاصة العجين يجي محروق أطراف العجين ومقرمش وهذا الي يميزهم طعم الصلصه ممتاز مافي حموضه ديكوره بسيط ورايق اسعارهم جيدة مارغريتا 45 ريال وبيتزا الترفل غاليه 75 ريال فاتورتنا 129 مع 2 بيبسي الحجم وسط فقط والكميه ممتازة تكفي شخصين الخدمه سريعه والويتر رائعين والاكل يتقدم ساخن من الفرن يخبز أمامك المطعم صغير تقريبا 6 طاولات ماشاء الله زحمه بالحجز والانتظار عندهم طلب مسبق عيبهم ان دورة المياه واحده للنساء والرجال كمان ياليت يضيفو للمنيو أصناف أخرى من المكرونه مثلا
