كافيه هاقن داز في جدة

كافيه هاقن داز في جدة

للعائلات فقط بدون ساتر
أوقات العمل : ١٠ صباح – ١٢ ليلاً
الموقع : لديهم ٣ فروع بجدة
الأندلس مول – الكورنيش – الردسي مول .
.
تغطية جميلة للمكان من المبدعة :
@emma_review
ريڤيو لكافي هاقن داز | الأندلس مول
الدور الأرضي عند بوابة الملاهي
له فرع في رد سي مول
و في الكورنيش عالبحر و هذا أحلى فرع ، شرح و واسع و نظيف و اطلاله جميله
.
.
بتكلم عن تجربتي لفرع الأندلس
الجلسات متهالكه حرفياً ، الكراسي مره مو نظيفه و جلست على واحد مكسور يتحرك و قمت غيرته!
المساحه ضيقه جداً بس لو كان المكان مرتب عادي بنتغاضى لأن عادةً كافيهات المولات مساحتها صغيره
طلبي:
– فروت بلوسم “ويفر مقرمش و عليه سكوبز بنكهات منعشه توت و فراوله و مانجو و اضافولنا الكراميل ، النكهات جداً لذيذه ، المنيو مكتوب يتقدم مع شرائح فراوله و لوز بس ماشفتهم في الطبق و اضافو لوتس اتوقع اجتهاداً منهم 😶 ، عموماً الطلب مره لذيذ ومنعش استمتعت فيه باستثناء ايس كريم المانجو المانجو قوامه غريب وماحبيته” | ٤٧ ريال
– افوقاتو “فكرته قهوه سبريسو مع سكوب جيلاتو بالفانيليا ، القهوه نفسها مره ممتازه بس فكرة الافوقاتو تنفيذه كان ضعيف وصلني الكوفي مره بارد مافيه حراره ، يا انه كمية السبريسو قليله مقارنةً مع حجم سكوب الجيلاتو او انو طوّل الطلب و هو جاهز عنده قبل يوصلني” ذقته في كافيهات تزبطه احسن من كذا 💔 | ٢٥ ريال
.
.
رح ارجع له ان شاءالله بس ابداً مو فرع الاندلس 💔 ..
نشوفكم على خير 👋🏼
.

.

كافيه هاقن داز في جدة

 ✨
تجربتي لهاقن داز | فرع الكورنيش جنب مطعم غنوج
.
.
الفرع تقريباً كبير و في النهار مره حلو لأن الشمس منوره المكان و زرته في ويكند بعد العصر كان فاضي و هادي ✨ المنيو جداً متنوع و يحمس لتكرار التجربه عشان اجرب اصناف ثانيه 😻 ”
– قهوه تركي “عاديه مو مميزه” تقريباً ١٥ ريال

– بارادايس “قطع بسكوت ويفر مقرمش مع ٨ سكوبز بنكهات مختلفه “نكهة الكوكيز

– الفانيليا – القهوه – جوز المكاديميا – بسكوت بالكراميل – كراميل مملح”
كل نكهه ألذ من الثانيه ” | ٤٨ ريال
.
.
من الاماكن اللي تستاهل الزياره باستمرار عشان اختّم المنيو 😅❤ .