مطعم تميس 09 جدةتجربة حلوة وأطباق لذيذة بس كان فيه تأخير بالطلبات والطلب الواحد جانا مرتين لدرجة شكيت اني طالبه اثنين من كل نوع 😅 ماكان فيه ترتيب ولا احترافية يروح موظف ويجي ثاني كأنهم توهم فاتحين! ماعدا ذلك كل شي جميل ولذيذ البيتزا وصلت باردة وطلبت إعادتها ورجعت مرة ثانية لذيذذذة والجبنة تمطط ولااا غلطة طلباتنا: – شكشوكة جبنتين رااائعة والبيض تحسه ماخذ وقته ع النار مو أي كلام 😋 – فول قلابتنا حلو نفس المعلب الجاهز بس مطحون. الصوص الحار اللي معاه لذيذذذذ مره وسبايسي😋 – بيتزا التميس بالخضار لذيذة جداً جداً واطلبوها ساخنة. 😋 – خبز تميس بالجبنة عادي جدًا . – براد كرك رائع بس كثير المسمار.
الاسم: مطعم تميس 09 جدة
التصنيف : عائلات – افراد
النوع : مطعم شعبي
الأسعار:متوسطة
الأطفال: مناسب
الموسيقى: يوجد
مواعيد العمل: ٤:٠٠م–٤:٠٠ص
الموقع الإلكتروني للمطعم: للدخول للموقع الإلكتروني للمطعم اضغط هنا
الموقع على خرائط جوجل : للوصول للمطعم عبر خرائط جوجل اضغط هنا
عنوان مطعم تميس 09 جدة
طريق الملك عبدالله الفرعي، البغدادية الغربية، جدة
رقم مطعم تميس 09 جدة
966551340474+
أفضل اطباق المطعم
تم تجربة المكان وقد كانت الطلبات كالتالي: – بف باستري شكشوكة ( الطعم جميل ولذيذ ولكنه ليس مميز والصوص الذي وضع أسفل الطبق لم أحبه كثيرًا فهو عبارة عن كريمة سائلة أقرب لطعم جبن الكاسات المالحة) – ساندوتش الدجاج ( في البداية كان الطعم يميل للحلا وكأنه قد وضع داخله صوص حالي ولكن مع الوقت شعرت بأنه لذيذ والعجينة مقرمشة والصوصات متوازنة وجيدة وهوا مشبع ويأتي معه صحن بطاطس مقلي لذيذ ومقرمش و3 أنواع من الصوصات ) – حمسة البطاطس ( طعمها طاغي وبهاراتها كثيرة وواضحة جدا كان طبق أقل من العادي – شاي كوب ( الكوب كبير والشاي لذيذ ) بشكل عام المكان كبير جدا جدا جدا فهوا عبارة عن 4 أدوار مختلفة والشمس تدخل للمكان من أغلب الجهات والويترز لطيفين جدا وأسعارهم ممتازة وفي متناول الجميع ولكن يعيبهم التأخير في كل شيء سواء الطلبات أو الفاتورة أنصح بزيارة المكان فهو يستحق
منيو مطعم تميس 09 جدة
تقارير المتابعين للمطعم:
التقرير الأول:
مطعم تميس 09 يعتبر من المطاعم المميزة في جدة ؛ المطعم جميل ومريح خصوصا الدور الثالث ديكوريشن رائع تحس انك جالس اوت دور ابدعوا في التصميم تجربتي التميس بالجبنة 10/9 نكهة الجبنة ممتازة بس للأسف ( بارد ) قلابتتا 10/8 كانت لزيزة ومتبلة الطبق ينزل معاه طحينة وزيت زيتون وفلفل حطوهم فوق بعض وشوفوا الطعم كيف !! شئ لزيز بس للأسف الفول برضو ( بارد ) تميس عادي وسمن 10/9 لزيز بس للأسف ( بارد ) الكبة 10/10 لزيزة ومقرمشة وصراحة الطبق الوحيد اللي نزل ساخن الحمص 10/9 الكرك محبوك و نكهته موزونة 10/10 الفرنش توست 10/10 للأمانة كان لزييييز البريوش عندهم طري وكان فوقه مكسرات وسيرب وايس كريم نكهات متداخلة ومتجانسة وممتعة بصراحة لو تقدم ساخن بيكون شئ دلع بس للاسف كان ( بارد ) الخدمة 10/10 موظفين في قمة الادب تعاملهم راقي ومهتمين بالعميل لين اخر لحظة ولمن سالني الموظف عن تجربتي قلت له الاكل كان بارد بس كتجربة رائعة انصح بتجربته لعشاق الفطور الشعبي في اجواء رومانسية 🥰 وشكراً فريق تميس نتمنالكم التوفيق
التقرير الثاني:
المطعم نظيف راقي ديكوره جميل استقبال جيد لكن تأخر في تقديم الطلبات وتأخر في تحصيل القيمة والانتهاء لدرجة كنت أريد أن آخذ المتبقي معي وبطلت لم يأت أحد ذهبت بنفسي لدفع الفاتورة وأيضاً أخرتني الموظفة للباقي بالنسبة للأكل كان فطور جيد لاتوجد نكهة واو مميزة طلبت شكشوكة ٠٩ مكتوب فلفل فرنسي لم أجد له أثر الأكل وصل عادي أقرب إلى البرودة بطاطس مقلية حرارتها عادية؟ نحن نذهب للمطعم للتمتع بالأكل المباشر والساخن حتى التميس بارد، لو رجعت المطعم حأرجع عشان الديكور والجلسة اللطيفة
التقرير الثالث:
دخلته فطور وانتظار قرابة ٤٠ دقيقه كانت جلستي بالدور الثاني الخدمه رائعه اشكر الاخ اللي عليه نظاره خدمته جميله ورائعه وحرفي مع الزبائن طلباتنا كانت: * صحن مشكل عباره عن قطعتين مربعه طحينيه مقاس ٢ سم تقريبا ✅ جيده لكن صغيره تقريبا ٦ حبات زيتون جيده لكن قليله وقشطه ماعجبتني * مقلقل ❎ سيء * مقلقل جيد ✅ ١٠/٨ * فول جيد ✅١٠/٩ * التميس جيد وفيه تميس نحيف بسكوت غير جيد * براد شاهي جيد الاسعار جيّده الخدمه سريعه المكان نظيف و رائع 👏🏻 حبيت ريحة معمول البخور بعد ماخلصت كان عند المدخل ✅ خدمة صف السيارات ( استغلال وجشع ) وجهة نظري • يعطيكم العافيه 🌸
التقرير الرابع:
المطعم جميل الاستقبال كان رائع ونبهتنا ان المواقف تابعه للبلدية ويجب الدفع وعرضت علينا المساعده مشكوره، الديكور جميل والويترز محترفين والنكهات مميزه لايوجد اي ابتكار في المنيو ، جربت قلابتنا ، كبده ، شكشوكة09 مع شاي كرك كل الاطباق كانت لذيذه ، لكن الاسعار مبالغ فيها ويجب على المطعم مراجعة الاسعار سعر الشكشوكة ٣٠ ريال والقلابه ٢٩ ريال مع الضريبه. التميس ١٠ ريال . لا اعتقد اني سأكرر الزياره.
