كابتشينو جراند كافيه جده مكان للناس الرايقه سواء كان الجو العام بالحلسات او الخدمه او الشيش صراحه يستاهل تقيم عالي وانصح بتجربته 👍❤️
صاري، الزهراء، جدة
+966 12 692 1121
الكوفي هادي .. تدرج الألوان مريح .. فيه جلسات داخلية وخارجية ومعسلات.. يفتح للساعه ٢
جربنا القهوة التركي كانت طيبه ..
تشيزكيك اللوتس كان لذيذ
يستاهل سعرو بس لو كان نكهة التشيز شويه اعلى من نكهة الكريمة كانت رح تكون دمااار
كيكة الرد فيلفت طعمها تمام بالنسبة للمحلات الثانية..
والويتر محمد كان جداً خلوق > انتقدنا نوع التشيز كيك وقدم لنا مجاناً انواع حلى اخرى عشان نقيم الأصناف وهذا شي فعلاً بدل على حرصهم على سمعة الكوفي وإرضاء الزبون .. معاملة القائمين بالمكان جداً تهمنا ..
كابتشينو قراند كافيه بفرعهم الجديد بـ شارع صاري بمركز اسكوت صاري قبل ستارز افينيو
الفرع القديم بـ بارك حياة ولهم فروع في عدة دول
الطلبات كانت
مفن شوكولاته
كيكه الجزر .
كابتشينو مع الفواكهه
كابتشينو
عصير الفراوله
المكان رائع ،، ولديهم جلسات خارجيه
فيه جلسات للعائلات و جلسات للشباب
العامليين كانو جدا محترمين
تعاملهم كان جدا حلو
وفيه وجبات اطفال و اسعارهم متوسطه
تقيمي الكافي جدا حلو وانصح فيه ?!! .
تقيم كابتشينو جراند كافيه بارك حياه
الاطلاله جميله والجو هذه الايام مره رااااائع المكان حاطين فيه ميوزيك هادئه تريح الاعصاب
طلبنا شوكليت كيك تشبه البراوني بس كانت مره ناشفه طعما مر شويه ما حبيتها واعطيها 4/10 سعرها 38
كيكه التمر وهي احلا شي موجود عندهم ومن اجمل كيك التمر اللي ذقته تجي اسفنجيه وعليها صوص كراميل ويقدموها مع سكوب فانيلا ايس كريم رائعه اعطيها 9.5/10
وسعرها 38
شاي اخضر بالنعناع يجي في براد صغير شكله جميل بس طعمه جدا عادي اعطيه 5/10 وسعره 19
مويه اڤيان كبيره سعرها 30
طلبنا كوكتيل موهيتو عباره عن لايم اخضر مع خلاصه الزنجبيل وسكر القصب كان لذيذ اعطيه 8/10 وسعره 43
واخذنا دايكري الفراوله عباره عن عصير فراوله مع ليمون وخلاصه الفراوله ويجي مثلج شكله مرررره حلو وطعمه مررره يمي لازم تجربوه اعطيه 9.5/10 وسعره 43
مشكلتهم عدد الويترز مره قليل مو مركزين و تحتاج ربع ساعه عشان تقدر تعطيهم الاوردر
اعطيهم تقيم 4/10
الأجواء رايقه في النهار.. في جلسات داخليه وجلسات خارجيه مكيفه
الخدمه شويه بطيئه.. بس خدمة المعسلات ممتازه
طلبنا:
كابتشينو ب ٢٥ .. حجمه صغير لكن جيد
بانوفي تارت بالموز والكراميل ب ٣٧.. لذيذه لكن حاليه
المعسلات ب ٨٥ .. جيده
الأسعار مرتفعه شويه بالنسبه للمكان
بصفه عامه المكان حلو ورايق في النهار بالذات للمدخنين .. ينفع حق جلسه قهوه وحلى خفيفه
المشروبات /طلبت دبل اكسبرسو وكابتشينو طعمه دون المتوسط الحلا / apple crumble لا ذقت طعم التفاح ولا crumble جلستي كانت خارجية، مع اغاني عربية رايقة، وفجأة اشتغل التلفزيون بصوت عالي عشان في مباراه، وصارت الاغاني شغاله والتلفزيون… كان المشرف واحد يماني، اتكلمت معاه كم مره لكن لا حياة لمن تنادي. الي يبغى روقان وخدمة وجودة لا يقرب المكان، لانه مكان حقير بجميع المقاييس
المكان رايق والجلسات مرة حلوة ذوق الميوزك بطل .. منيو الحلا يباله شغل صراحة ياليت يضيفو اصناف ثانية .. شي ثاني ضايقني جدا انهم مهم مخصصين جهه لغير المدخنين الناس تدخن جوا وبرا
الجلسات رايقة وحلوة .. الديكور انيق .. بالنسبة للكابتشينو سيء .. والاغلب سببه البن اللي يستخدمونه .. قارن الاسعار بالفاتورة باللي موجودة في المنيو لاحظنا اختلاف .. الفاتورة كانت اغلى ..
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
