مطعم أي ام هانجري جدة مطعم وجبات سريعه المحل ديكوراته جيده جدا وتعامل الموظفين جيد جدا قسم رجالي وقسم نسائي والاجمل فيه العاب اطفال وجلسات مفتوحه وجلسات مسكرة والاكل لذيذ السعر متوسط 🤍🤍💜
هذا الفرع عنوانه: عمارة النعمان حي الوزيرية، مدائن الفهد، جدة
لهم فرع ثاني في: حي الأمير فواز الجنوبي شارع سهل بن عمرو الفرعي، الامير فواز الجنوبي، جدة
الفرع الثالث: شارع الأمير محمد بن عبدالعزيز، التحلية، حي الفيصلية، جدة
الفرع الرابع: حراء، Al Marwah Jeddah جدة
الفرع الخامس: شارع حراء، البوادي، جدة
الفرع السادس: Q5CX+78، الحمدانية، جدة
الفرع السابع: طريق الملك عبدالله، حي النسيم, جدة
+966 9200 04187
برجر مميز طازج العجل امامك يقطع ويفروم ويشوي الاسعار ممتازة جدا والتتبيله ولا اروع البطاطس مميز خصوصا سبيشل … مطعمي المفضل انصحكم وبقوة
نفتخر بأن هذا العلامة التجارية انطلقت من مدينة جدة فعلى الرغم من المنافسة الشرسة بمطاعم البرجر إلا أنه استطاع أن يرسخ نفسه وبكل قوة ..ويكون في صدارة مطاعم البرجر الأكثر شعبية بمدينة جدة
كنا نقول البيك قصة عشق❤ لسكان جدة الآن أضفنا كمان اي ام هانجري😍
.
لديهم عدة فروع واتوقع لديهم نية التوسع بمدينة جدة
واخيرا جربتو ، المطعم دا كان ليا قرابت 8 شهور ابغى ارحلو وكل ما اجي اروح تتعركس 😂(يجي سبب يمنع اروحو)
وسبحان الله ماكتب الله وقتها بس اخيرا جربتو وطلبت من مندوب وكان سعرو مرا حلو ،
طلباتنا كانت
( برجر سينقل – برجر دبل – برجر دجاج – كلوب ساندوتش – بطاطس سبيشل – برجر دجاج – صوصج اند اجيز – حلقات البصل )
اول شي حبدا بالفطور والحاجات الخفيفه :- كلوب ساندوتش : 11 ريال
جا في الصحن معاه خس وطماطم وبصل فرش و مخلل وحبه فلفل الكلوب كان الشكل مرتب والطعم مرا لذيذ وحبيتو والبيض كان طري وكان ممتاز نص استوا ودا الصح 10/8
صوصج اند ايجز : 9 ريال
كان في الصحن معاه خس وطماطم وبصل فرش ومخلل وحبه فلفل نفس الكلوب بس زياده شريحه مرتديلا ،
الهوتدوق مو مرا عجبني والبيض العيون كان طري بس من تحت اتحمر زياده
بس الصفار لزج ولذيذ بس غلطتو اتحمر 10/6
بطاطس سبيشل : 12 ريال
دا الذ شي بنسبالي التشيز الي فيه والصوص والمفروم والهالبينو والبطاطس كانت طريقتهم فيه جيدة مرا ،
البطاطس ودجز كانت مرا طرية ولذيذه المكس الي مسوينو في البطاطس السبيشل رهيب 10/10
حلقات البصل : 7 ريال
حلقات البصل لذيذه بس ماكانت كرسبي ، وعلى ما اظن بسبب الطريق والوقت لانو مرا بعيد بس كانت مرا لذيذه
وياريتها كانت في وقتها وكرسبي 10/6
برجر دجاج : 14 ريال
كان لذيذ بس برضو مشكلتو مو مرا كرسبي من الطريق والوقت ، فيه لسعه حرارة خفيفه لعشاق الفلفل ،
حسيت يبغالو اضافات خفيفه زي طماطم وزياده خس شوية ويكون الذ 10/8
برجر سينقل – الدبل : 9 ريال – 14 ريال
كان من جد من جد مرا لذيذ كانت اللحمه جوسي والتشيز جا سايح والعيش مرا طري والطماطم والخس فريش
اللحم كان مافيه ابدا اي زناخه والسعر مرا حلو وحبيت الدبل اكتر النكهه اوضح 10/10
سمعنا عليه مدح وقررنا نجربه الفاتورة ٩٣ ريال والطلبات كالتالي ٢ برقر لحم عادي ١ برقر لحم دبل ١ برقر دجاج ١ بطاطس كرنكل بالهلابينو ١ بطاطس عادي ٢ مشروب غازي انصح ببرقر اللحم عندهم جدا ممتاز 👍🏼 عيبه الحجم صغير (بالنسبة للشخص العادي يفضل تطلبو اكتر من واحد 😅) يعني تقريبا بحجم برقر الاطفال المميز فيه ان اللحم طازج يتحضر عندهم في المطبخ (موجاهز او مجمد زي باقي محلات البرقر من نفس الفئة) واضح مكان تجهيز اللحم قدامك وهما يشتغلو المشروبات الغازية يمكن اعادة تعبئتها نجي للجو العام المكان كبير لكن ماهم مستغلينة بالكامل كادوار تانية الجلسات كبيرة وفيها ستاير فيه منطقة لعب اطفال عبارة عن لعبة التسلق انصح فيه للعوائل اللي عندهم اطفال المكان ابدا مو هاديء ماشالله 🥲 التكييف ممتاز النظافة ممتازة خصوصا الحمامات وانتو بكرامة
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
