شارع الأمير سلطان – تقاطع شارع صاري – مجمع جدة سكوير –
–
تجربتنا كانت للأصناف التالية
سلطة الليمون و الكينوا : ممتازة لمحبي الكينوا وطعمها جميل و الليمون معطيها حموضة ممتازة ،، طبعاً عشان يكمل الطبق ويكون صحي أكثر تقدر تطلب إضافة شريحة سمك سلمون واللي جاتنا مشوية بامتياز
سعر السلطة: ٥٨ ريال
سعر الإضافة: ١٨ ريال –
–
المحار مع صوص الزبدة و الثوم و الليمون: طبق ممتاز لمحبي المحار ،، ويعتبر من المقبلات ،، بس حقيقة ما يناسبني المحار بسبب إنك تطعم نكهة البحر فيه
سعر الطبق: ٤٢ ريال –
–
كلماري مقلي بالباريكا و الفلفل الأسود: ممكن يكون واحد من ألذ الكلماري اللي أكلتها في جدة ،، مقلي بعناية و البهارات رائعة و القرمشة ممتازة
سعر الطبق: ٣٨ ريال –
–
ديناميت جامبو شريمب: بصراحة هذا الطبق أحبطني جداً ،، وما ناسبني ،، طعم الصوص غير متوازن ونفس نوعية الجمبري أتوقع إنها غير مناسبة ،، في محلات تقدمه بشكل أفضل
سعر الطبق: ٤٦ ريال –
–
تشكن ماشروم باي: عشقت هذا الطبق بكل تفاصيله ،، ياهو لذيذ بشكل ما تتخيله ،، أي واحد حيروح لازم يخللي هذا الطبق من ضمن طلباته وعلى ضمانتي
سعر الطبق: ٥٢ ريال –
–
دجاج البيبركورن: دجاج بتتبيلة رهيبة وصوص ممتاز يقدم مع بطاطا مهروسة طعمها رائع
سعر الطبق: ٦٥ ريال –
–
قطعة لحم البريكست مع البيض المقلي: لمحبي لحمة البريسكت ممكن يعجبهم هذا الطبق
سعر الطبق: ٤٢ ريال –
–
أضلاع لحم مع الباربكيو: من زمان ما شفت أضلاع مطبوخة بهذا الشكل الموزون ،، طعم رائع و سواء أروع ،، أضفنا عليها قطعة لوبستر عشان تكمل الليلة
سعر الطبق: ٩٨ ريال
إضافة اللوبستر: ٥٤ ريال 😓 –
–
المكان إجمالاً كويس وهو مشهور كمان بالفيش أند شيبس
عيبه الوحيد هو ارتفاع أسعاره
عندهم قسم عائلات و قسم أفراد
وبس
