احد محلات السوشي معقولة الاسعار بالنظر الى ان السوشي اسعاره مرتفعة جدا في جدة
المحل له كذا فرع كانت زيارتنا لفرع الأمير سلطان
طلبنا سلطة كاني ٣٣ ريال جيدة اعطيها ٨ من ١٠
ايبي كنافة ٣٢ ريال ممتازة اعطيها ٩ من ١٠
شربة ميسو ١٩ ريال للامانة ما ذقتها بس اللي طلبوها قالو ممتازة
و طلبات اخرى متنوعة شاملة ساشيمي و سوشي و كرسبي كريزي كاليفورنا (ممتاز ١٠ من ١٠)
ما اعرف باقي الاسعار لانها لم تكن ضمن طلباتي كان عددنا كبير ماشاء الله
التقييم بشكل عام ٩من ١٠ الاسعار مناسبة و جودة الاكل مقارنة بالسعر ممتازة و الخدمة جيدة 👏🏻
التقرير الثاني لمشاركة المتابعين
الموقع
حي السلامة شارع صاري بجانب بنك ساب
أوقات العمل من ١:٣٠ مساءً الى ١صباحاً
.
.
يوجد قسم للأفراد
والعائلات بدون بارتشن
.
.
زيارتنا لمطعم ماكي 😻
المطعم بيقدم سوشي واكلات يابانيه وصينيه وبنفس المبنى فيه مطعم بيتوتي الصيني
تقدرو تطلبو من المطعمين بنفس الوقت على نفس الطاوله👍🏻
الطلبات من مطعم ماكي/
سلطة كاني مره لذيذه🥒🦀
وشوربة سي فود كانت عاديه 🦐🦀🦑🐟
نودلز صيني بالجمبري مره لذيذ🍜🦐
وطلبنا ثلاث انواع من السوشي كانت لذيذه
ومن مطعم بيتوتي
تبنياكي لحم مره لذييذ👍🏻
وواحد رز ابيض
.
مو فاكره الاسعار بالتفصيل بس مجموع الفاتوره كان ٢٠٧ ريال👍🏻
خدمتهم ممتازه / لايوجد برتيشينات.
التقرير الثالث لمشاركة المتابعين
–
–
لأول مرة يصير ان الطلب الخارجي الذ من الاكل بداخل المطعم 🙊
مطعم ماكي هاوس شارع البترجي .. سبق وطلبت منهم توصيل منزلي وبصراحة كان من اجمل والذ الطلبات ..
واليوم كانت تجربتي داخل المطعم وطبعا سابقاً ماكن فيه قسم عائلي والان اضافو فقط بارتشن ..
المطعم صغير ودور ارضي وكانت طلباتنا
فيجي كومبو ٦/١٠
شووبة كريمة بحرية ١٠/١٠
نودلز بالماكولات البحرية ٧/١٠
ايبي رول ٧/١٠
٢ كوكتيل سعودي ٦/١٠ من سلبيات المطعم التكيف بارد جدا يعني ما يمدي الواحد يبدا إلا وبرد الاكل 😕
ايضاً الجلسات عمليه وصغيرة يعني الواحد ياكل بسرعة ويمشي 😅
بالنسبة للسوشي جاء ناشف شوي وغير متماسك
اسعارهم معقولة جدا المبلغ الكلي ١٢٨ ريال
اتوقع ماراح اكرر الزيارة لكن راح اطلب عن طريق التوصيل افضل 😊 –
–
التقرير الرابع لمشاركة المتابعين
مطعم متخصص بالمأكولات اليابانية
أجمل مافي ماكي هاوس تنوع الخيارات وتوسعها بحيث الكل يقدر يأكل أكل ياباني مثل السوشي وغيره.
لأن تنوع الأطباق في ماكي راح تخليك تحب السوشي حتى لو عمرك ما أكلت سوشي لانهم أكل يناسب كل الفئات
الفئة الأولى اللي ما عمره ما جرب السوشي
ودي الفئة عندهم أكل خاص لهم في ماكي ألا وهوا السوشي المطبوخ
و لو انت في مرحلة تعرف فيها الأكل الياباني وجربته قبل كده في ماكي راح يقدمون لك اكل مبتكر وكله ابداع من ناحية الوصفات والطعم اللي راح يكون جديد عليك
وإذا انت خبير سوشي من زمان طلباتك الأصلية موجودة في ماكي عشان تستمتع فيها مع اجواء ماكي
ماكي له ٣ فروع اثنين في جدة وواحد في مكة
وكمان عندهم شئ جميل للكل ألا وهوا حفلات ماكي
يعني تقدر تسوي ماكي بارتي و تكون حفلتك وجمعتك من ماكي وبأسعار حلوه
وكمان اذا نفسك في ماكي هاوس يمديك تطلب مباشرة عن طريق الاتصال على رقمهم الموحد 920033371
