مطعم سوشل فودس جدة .. مطبخهم منوع والاكل لذيذ والاجواء جميلة .. اسعارهم متوسطة والخدمة جيدة جدا .. المكان صح صغير لكن جدًا مرتب ونظيف والموظفين تعاملهم حلو
F6MG+HC9، الفيحاء، جدة
+966 54 477 8725
تغطيتنا كانت للمطعم الجديد والمتنوع سوشل فودز واللي يقدم آيس كريم مقلي رهيب .
عندهم خصم ٢٠٪ على الفاتورة إلى 27 اغسطس واسعارهم رهيييبه .
عندهم دور للأفراد ودور للعوائل وديكوراتهم بسيطه ومريحه
.
طلباتنا كانت:
معكرونة بالدجاج ١٤ريال مبهرة كويس وفيها بيض وخضار
جمبري لوز ٢٧ ريال يقرمش ومبهر ويوصلكم ساخن لذيييذ حتى اللي مايحب الجمبري حيحبه ♥️
جمبري ٦٥ ب٢٧ ريال من الأطباق المبهرة والنكهة الهندية واضحه لذذذيذ والكل عجبه
ساندويتش دجاج ب١١ ريال وطلبنا نوعين:
٦٥ وفيه بيض مقلي كان ساندوتش مميز جدًا وطري وحجمه كبير
ساندوتش دجاج بايبر يقرمش بس حبيت ال٦٥ أكثر .
بالنسبة لأطباق الدجاج:
دجاج ٦٥ ب١٤ ريال كميته كبيرة والكل عجبه مبهر مزبوووط وطررري يذوب في الفم
ودجاج منشوريا ب١٥ فيه نكهة باربكيو وصويا ومعطيته نكهة حلوه ومميزه
دجاج بايبر ب١٤ يقررررمش من برا والتتبيله لين جوا 😍
.
من الطلبات كمان الدجاج لولي بوب” اجنحه” (٥ قطع) ب١١ ريال
فخوذ دجاج سوشل (٣ حبات) ب١٢ ريال
.
كومبو دجاج بالزبدة الرز فيه مميز والايدام لذيييذ ومسبك واكثر شي حبيته بهاراته والدجاج طري جدًا
سمك ابولو ٢٥ ريال طري ومقرمممش من برا ومتبل مزبوووط
لذيذ لكن الكميه قليله جداً جداً جداً اتمنى من اداره المحل اذا تبغى تستمر انها تزود كمية الايدام يعني ماهو معقوله علبه صغيره وفيها ٢ اجنحة دجاج!
لذيذ جدا دحاج ٦٥ والدجاج بالزبده والرز البرياني اليم رهيب جدا ولذيذ والكميه ممتازه والأسعار انا اشوفه ارخص مطعم هندي بجده انصح به وبقوه
اول مره جربته الرز كان جداً بارد ، سويت لهم زياره ثاني مره بما ان المحل جديد حبيت ادعمهم عطيتهم المشكله الاولى وماقصرو يعطيهم الف عافيه ، الله يرزقهم يارب
رائع جداً بالتوفيق لكم عجبوني الاثنين اللي في الاستقبال شباب بشوشين ملاحظتي بسيطة إلا هو في تأخير بتجيز الطلب باقي الأمور كلها تمام تحياتي لكم ❤️❤️
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
