مقهى سارة النسائي جدة المكان روووووعة بنصح فيه كل الصبايا جوو جميل وهادي ورايئ وراقي الاكل عندن متنوع ولذيذ للفطور فيه خصوصية والخدمة كتير سريعة ومميزة ولطيفين صراحة عبارة عن سعادة😍🧚🏻♀️
البترجي فرعي، الزهراء، جدة
+966 12 682 8299
المكان جميل وهادي ، قهوة اللوز حقتهم مره طعمه لدرجة اني اخذت كوبين 😍 صاحباتي ذاقو الموهيتو بس ما اعجبهم مو نفس طعم الموهيتو اللي في الأماكن الثانيه كان فيه ايس تي * شاهي مثلج مع سفن فما ناسب ذوقهم ، كلمنا الموظفات
وكانو متعاونين وغيرولهم الطلب حقهم بطلب جديد بما انهم ما شربو الموهيتو ، الدور الأول كان عادي مختلط للامانه ما شفت الا بنات جالسين بس كانو فيه شباب عادي يجو يطلبو و ياخذو الطلب و يمشو ،
الدور الثاني كان نسائي بحت ماكان فيه ازعاج او اغاني او موسيقى يصلح تجو مع صاحباتكم حق جلسة سوالف، حلوه فكرة الكافي و انشالله ارجعله مره ثانيه ❤
مقهى (ساره كافيه) النسائي …مخصص للنساء فقط…??
.طلبت قهوة تركي الكاسة ب عشره ريال
وبعدها بيتزا وعصير كان حسابها خمسه وثلاثين
لاتيه الكراميل بعشرين ريال
صديقاتي طلبو سينبون وشوربة ..الشوربه فيها لذاذه
المكان يعتبر نظيف ومرتب وهادي … للناس الرايقه
والأكل طيب ماشاءالله .. والديكور يفتح النفس?
.
عموما حبيت المكان وكنت اتمنى اشوف شيء زي كذا من زمان .. أتمنى من البنات يزوروه وراح يحبو المكان
إذا حابين تأخذو فكره عن المكان ..
هالمره مشاركتي حصريا للشباصات بعيدا عن الشنبات
بعد البحث والتحري لقينا لكم ياصبايا
مقهى نسائي بحت 😍😍😍 أسمه مقهى ساره
الموقع اخر شارع البترجي قبل توصلوا طريق الملك على اليمين
اوقات الدوام من السبت إلى الخميس من ٩ صباحا الى ١٠ مساء ..
الكافيه نسائي طول ايام الاسبوع ما عدا السبت يسير عوائل .. عندهم مخبوزات وحلويات وحركات يحبها قلبكم 😍😍
وللأمانه انا مازرتها لكن بإذن الله ضميتها ضمن جدول زياراتي الميدانية لمقاهي جدة 😎
مين زارت هالمقهى تعطينا رأيها وتقييمها للمقهى👇👇👇 لكم أنساتي وسيداتي الجميلات أرق تحياتي❤❤
لايوجد أفراد
الدور الأول للعائلات والدور الثاني نساء فقط
نوع الأسعار : متوسط
الموقع : نهاية شارع بترجي بالقرب من طريق الملك
إلكترونياً : أضغط ع الأسم أعلى الصورة 👆🏻.
التقرير الرابع
المكان حلو ومرتب جدا
و الاسعار مناسبه مو مرا غالي
الطلبات كانت
كابتشينو 15 ريال
عصير برتقال 15 ريال
كيكة الاميرة وود تقريبا ب15 او 20 ريال
سبايسي شيدر ساندوتش ب 20 ريال
صراحة لذيذ الاكل
و المكان رايق
تقيمي من عشره اديه تسعه
.
ريڤيو لزيارتي سارا ليديز كافي | شارع البترجي
الشارع المقابل للمستشفى السعودي الالماني
.
.
الكافي بطاقم نسائي
من الأحد الى الخميس نساء فقط
يوم الجمعه مغلق ⛔️
و يوم السبت عائلات “يعني مسموح للرجال”
ساعات العمل من ٩ الصباح الى ١٠ المساء
الكافي جداً جميل ذكرني بكافيهات أوروبا
ستايله الخشبي ، ألوانه ، اسلوب الديكور ، ريحة الكوفي و المخبوزات 😻❤️ لاحظت تغييرات لطيفه عن اخر مره زرته
احلى شي انوهم يقدمو اطباق فطور طول اليوم ، و برضو القهوه و الحلى عندهم لذيذه
الاضاءه تفتح النفس ، الجو العام مريح و هادي ، الاسعار مناسبه جداً ، المنيو متنوع
الخدمه بطيئه لكن الويترز لطيفات 💕
.
.
النظام تطلبو بنفسكم عند الكاشير و الطلب يوصل الين عندكم ..
طلباتنا:
– ساندوتش موزريلا مشوي بالبيستو “لذييييذ الساندوتش استمتعت في كل لقمه ، وضلني حار و الخبز محمص و الموزريلا ذايبه 😋 مع نكهة البيستو اللذيذه” ،
تتقدم مع صحن جانبي صغير سلطة كينوا صحيه و لذيذه مع بقدونس و باذنجان و بصل | ٢٢ ريال
– فيتا سكونز “حلو حجمها و مره لذيذه و تتقدم مع طبق جانبي صغير جبنة فيتا بالثوم ،
الطلب ممتاز ماعليه ملاحظات بس السكونز كانت تحتاج تكون هشه اكثر” | ١١ ريال – كابتشينو “ممتاز” | ١٨ ريال
– شاي “حجم البراد حلو يكفي كوبين” | ١٢ ريال
.
.
و نشوفكم على خير ✨👋🏼
** افطار عائلي صباح السبت (مسموح الرجال) ايجابيات: + الكافيه يسمح بصعود الرجال للدور العلوي يوم السبت فقط (حسب ما فهمت). بقية الأسبوع يسمح لهم يالجلوس في الأسفل فقط + ديكور مريح و بسيط + استقبال
و خدمة ممتازة + اطباق مميزة و طازجة و لديهم مجموعة من الأطباق المناسبة للنباتيين و الذين يعانون من حساسية من بعض المواد الغذائية + القهوة موزونة و الشاي براد متوسط + الطابق العلوي هادئ جدًا … لا يوجد موسيقى في هذا الدور
ملاحظات: – المواقف قليلة و قد تحتاج للوقوف بعيد – الدور الأرضي الموسيقى فيه مرتفعة – لم انتبه لوجود مصعد – الطلبات لابد من عملها عند الكاشير في الطابق الأرضي. لذلك اضافة طلب لاحقًا قد يكلفك مشوار للطابق الأرضي التقييم ٤.٧٥
بسبب المواقف و الموسيقى في الدور الأرضي و الحاجة للنزول للدور الأرضي للطلب لإعادة التجربة أكيد و ضروري يوم السبت للجلوس في الطابق العلوي
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
